Хотелот се наоѓа во село Брвеница и располага со 8 апартмани за 8 миленици во исто време.

• Работно време:
  Понеделник до петок
  07:30 – 19:00
  Сабота
  10:00 – 19:00
  Недела и празници
  10:00 – 14:00

Во хотелот може да престојуваат кучиња и мачки

Услови кои мора да ги исполнуваат милениците/гостите:

• Миленикот мора да е микрочипиран и редовно вакциниран
• Миленикот мора да е редовно прочистуван од надворешни и внатрешни паразити
• Миленикот не смее да е инфициран од заразна болест
• Миленикот не смее да покажува агресија кон луѓе или други животни
• Сопственикот мора да донесе валидна документација за миленикот (пасош)
• Миленикот не може да престојува доколку не ги примил/или нема потврда дека ги примил првите puppy/kitten вакцини

Цени:

Имајќи ги предвид безбедноста и удобноста на милениците, како главен фокус на хотелот е да создадат современ престој во кој миленичињата ќе се чувствуваат релаксирано за време на престојот. Токму затоа, Неда вели дека може да сместат до 8 миленици во исто време, а кои ќе престојуваат во сопствени, приватни апартмани.

Во овој хотелможе да престојуваат кучиња и мачки. Бидејќи секој миленик е посебен – сместувањето нуди програма која е специјално дизајнирана според потребите на секој миленик. Сите миленици престојуваат во апартмани кои се под 24/7 надзор преку видео камера, во простории со вентилација и регулирана температура. Внимателно се пристапува кон задоволување на потребите на секој миленик, вклучително и придржување кон одредени рутини за исхрана и физичка активност и администрација на лекарства.

Кучињата имаат пристап кон игротека во затворен простор и игротека (двор) на отворено, каде имаат можност за дружење и социјализација со други кучиња (по желба на сопственикот) под надзор на вработените или можност за самостојна игра и физичка активност.

 Со оглед на тоа што хотелот за миленици е дел од ветеринарна клиника, со високо обучен кадар, милениците освен што имаат 24/7 нега од страна на доктори и техничари по ветеринарна медицина и исто така, имаат и опција за одредени медицински интервенции. Во склоп на клиниката, се наоѓа и груминг салон, па за време на престојот миленикот има опција за дополнителни груминг третмани.