Позитивно: Местото е одлично. Природа, мир, тишина, чист воздух. На 1350 метри надморска висина. Приватноста е загарантирана. Сопственикот е одличен, позитивен, друштвен, се што ви треба ќе ви обезбеди, дури може да ви донесе од Берово (кое е оддалечено 16 км) што би треба. Над сместувањето имаат бачило до кое се оди пеш. Може да си купите квалитетно и природно овчо сирење, домати, компири за во сместувањето. Има и ресторан на 300 метри од сместувањето, но ако одите во Берово посетете го ресторан МРС, одлична храна и пристапни цени. Бунгаловите се одлични мали дрвени куќички опремени со се што ви треба, ако нешто недостасува тука е сопственикот. Греењето е на дрва, струја соларни панели, бања на ТНГ боци. Се на се ние со сопругата поминавме одлични 3 ноќевања. Негативно: Единствено што можам да најдам забелешка е што во посебните бунгалови топлата вода е поврзана на ТНГ па малку ќе се помачите за да ја регулирате водата (за тие што се среќаваат првпат со тоа како мене :D). И најголем проблем беше патот за стигнување до сместувањето од главниот пат. Не е големо растојание, но навистина е многу лош и ископан. Сопственикот пробал нешто да го потсреди, но сепак тоа не е негова должност и вина. Заклучок: Место кое задолжително треба да го посетите, нема да зажалите. Децата ќе го обожаваат.

Пријатен сместувачки објект надвор од градот, во тивка и мирна околина. Местото нуди спокој, чист воздух и убав поглед кон ѕвезденото небо навечер. Погодно за одмор и за љубители на природата и тишината.