Семејството Атанасови ја споделија со нас приказната за нивната нова семејна мала винарија „Тодор“, која е официјално регистрирана оваа година, во месец септември.

Винаријата се наоѓа во село Дреново, Кавадарци, каде што се наоѓаат и нивните лозови насади, на само неколку километри од археолошкиот локалитет Еударис.

Семејството Атанасови веќе долги години се занимава со земјоделие, со акцент на лозарството. Првите лозови насади ги посадил нивниот прадедо Тодор некаде во 70-те години, а како наследство ја добиваат сортата Вранец, од која произведуваат црвено вино Вранец – вино на кое денес се гордеат.

Поради близината на археолошкиот локалитет, виното од сортата Вранец денес носи името „Еударист“. Имаат и уште една сорта црвено вино со назив „Плочата“, која е мешавина од Вранец, Смедеревка и мала количина на сортата Отонел.

Покрај виното, винаријата „Тодор“ произведува и маџун и оцет на стар традиционален начин, без додавање на ароми и засладувачи. Годишната количина на вино е од 5000 до 7000 литри, додека маџунот се движи од 800 до 1000 литри.