Овој викенд сонцето не однесе назад во Тиквешкиот регион, кој веќе докажано е синоним за добро вино и ракија. Тимот на кајак се запозна со уште една винарија, која со задоволство од денес е дел од нашата бакалница. 

Bango Winery е сместена во Тиквешкиот регион, каде ги одгледува своите лозови насади. Желбата за основање на семејна винарија потекнува од 1991 година, со производство на првите количини вино, во чест на независна и суверена Република Македонија. Според тоа се именувани вината MACEDONIA - Vranec и MACEDONIA - Sauvignon Blanc. Виното Sauvignon Blanc е добитник на злато на натпревар за квалитет на млади вина во 2022 година, а виното Vranec е добитник на двојно злато на натпреварот за квалитет на млади вина во 2023 година.  Розе „МАЈА“ е инспиративно и нежно, совршено надополнување на секој посебен момент.

Она што нас ни остави голем впечаток е етикетата која ја краси сонцето низ кое се преплетуваат контурите на Шар Планина.

Погледнете за што станува збор во продолжение, уживајте во секоја голтка и разгалете ги вашите сетила со овие извонредни вина.