Купете вино од малата семејна винарија „Клинчаров“, со која раководи Александар. Тој доаѓа од село Ресава во Тиквешкиот регион, кој регион се смета дека произведува најквалитетно грозје и вино. Александар вели дека уште во османлиското владеење, неговата фамилија важела за една од најголемите производители на грозје, што може да се види и по висината на данокот на шира која ја плаќале неговите предци на султанот.

Денеска, главен виновник за успехот на Александар е неговиот дедо Чандо кој го мотивирал неговиот внук да се заљуби во виновата лоза и производството на вино и ракија.

Неговата семејна винарија денеска располага со површина од 1,2 хектари лозов насад, со годишно производство од 17 до 20 тони на грозје. Во работата од најголема помош му се неговите две ќерки и сопругата Роска, како и нејзините родители  Александар вели дека се што посеале сами го обработуваат без дополнителна помош, исклучиво за време на гроздоберот кога е потреба дополнителна работна рака.