Апартманите се наоѓат на 50 метри од морето веднаш позади  паркот во Флогита на улицата Понтои, позади познатата слаткарница Sweet beach и во непосредна близина на Pastazzi.  

Располагаме со две соби секоја со своја бања.

Во главната поголема соба сместен е брачен кревет и аголна гарнитура во која можат да се сместат максимум 4ца и располага со своја бања и тераса со поглед кон страната на морето.

Во другата помала соба сместен е брачен и помошен кревет во која можат да се сместат максимум 3ца и располага со своја бања и мала тераса. Двете соби се поврзани со мал ходник во кој е сместена мала кујна која би била на располагање на двете соби.

Собите располагаат со ТВ, клима во секоја соба, фен, постелнини и крпи.

Кујната се наоѓа во коридорот кој ги оделува двете соби и е опремена со голем фрижидер, мала плотна, мијалник, кафе машина Dolce Gusto и машина за перење алишта.

Објектот располага со Wi-Fi.

Вилата во која се наоѓа апартманот располага со непосредно место за паркинрање пред неа, а во близина од 10 метри има и слободен паркинг кај паркот во Флогита.

Максималниот капацитет е 7 луѓе.

Во околината се наоѓаат најпознатите плажи во Флогита како за млади со забави, коктели и вкусна храна (Pastazi) така и за фамилии со мали деца (Razmataz) каде водата е плитка на првите 7-10 метри  и децата безгрижно би можеле да играт. Позади уличката каде што се наоѓа апартманот има супермаркети  и месара која приготвува печено месо (пилешко, секаков вид на скара и сл.). А навечер тука се и рестораните со вкусна морска храна.

Апартманот е совршен за две фамилии секоја со 1-2 мали деца, каде комотно би уживале во секое катче, кое е дизајнирано со многу љубов и колорит кој е инспириран од морето и летото. Флогита е мирно  место каде би можеле да поминате прекрасни моменти со вашите најблиски, како со возење на велосипед на улиците покрај морето,  на убавите песочни плажи во текот на денот, така и во луна парковите за деца и ресторанчиња со вкусна морска храна.

Сместувањето се наоѓа во една избалансирана средина (улица) која не е веднаш во првиот ред каде навечер има најголема фреквентност, ниту пак во најмирните улици на крајот, туку токму на вториот ред каде се е блиску а сепак далеку од врева за мирен сон во текот на ноќта.

 Терминот за сместување е секогаш по договор со гостите.

Терминот за одјавување е секогаш по договор со гостите.

Клучот го дава одговорниот за одржување на апартманите, а некогаш и сопственикот.

Во апартманот има доволно пешкири за 10 дена, како и резерва постелнина која може да се користи.

Флогита се наоѓа на почетокот на првиот крак и препорачливи блиски места се градчето Афитос кое топло го препорачуваме и се издвојува со својата уникатна и автентична архитектура, како и Калитеа за младите.

Не е дозволен влез на домашни миленици.