Локација

Апартманите се наоѓаат во строгиот центар на Крушево, на ул. „Тодор Проески“ бр. 10, веднаш на почетокот на скалите кои водат кон чаршијата. Локацијата е одлична за гости кои сакаат пеш да ги истражат главните знаменитости и атракции на Крушево.

Сместување и капацитет

Објектот располага со 3 соби и 1 апартман со џакузи, со вкупен капацитет до 13 лица.

Трите соби се со следниот распоред:

• Соба 2+2 – брачен кревет и дополнителни кревети на спрат.
• Соба 2+1 – брачен кревет и еден единечен кревет, како и сопствена тераса со поглед кон градот.
• Соба 2+2 – брачен кревет и двосед на пуштање.

Апартманот со џакузи располага со брачен кревет и приватно џакузи веднаш до лежајот, како и со сопствена мини кујна.

Опременост

Сите соби располагаат со сопствено купатило, мини фрижидер, LED телевизор со кабелска телевизија, Wi-Fi, фен за коса и бесплатен тоалетен материјал.

Во ходникот има заедничка чајна кујна, која ја користат гостите од трите соби. Кујната е опремена со:

• индукциско решо;
• микробранова печка;
• кафемат;
• прибор и основна опрема за подготовка на брз оброк, кафе и чај.

Апартманот со џакузи има сопствена мини кујна, опремена со потребното за подготовка на кафе, чај и брз оброк.

Паркинг и простор за велосипеди

Објектот располага со приватен паркинг со ограничен број паркинг-места. Доколку приватниот паркинг е исполнет, гостите можат да го користат градскиот паркинг, кој се наоѓа во непосредна близина.

За гостите кои патуваат со велосипед, обезбеден е простор за оставање велосипеди.

Атракции во непосредна близина

Благодарение на централната локација, во непосредна близина се наоѓаат Крушевската чаршија, црквата „Св. Никола“, Галеријата „Мартиноски“, Спомен-куќата на Тоше Проески, како и бројни други знаменитости и интересни места во Крушево.

Активности и дополнителни искуства

Домаќините соработуваат со Horse Riding Club Крушево, преку кој можат да организираат тури со коњи.

За поголеми групи имаат соработка и со музејот Македониум, а по договор можат да организираат и пикник во природа.

Пријавување и одјавување

• Check-in: по 14:00 часот
• Check-out: најдоцна до 10:00 часот

Клучот се подига од сопствениците или од одговорно лице.

Постелнина и пешкири

Постелнината и пешкирите се менуваат на секој трет ден, а по барање на гостите може да се променат и порано.

Домашни миленици

Сместувањето дозволува престој со домашни миленици. Доплатата за миленик изнесува 500 денари по вечер.