Негорски бањи во ново руво: Место каде се враќате во својата кожа

Можеби дел од вас веќе ги посетиле Негорски Бањи, но за оние кои еднаш слушнале, па се предомислиле со оправдувањето дека во Македонија не вреди да се престојува поради квалитетот на сместувањето, тогаш тимот на Кајак.мк Ви го тврди спротивното.

Еден таков аргумент со кој го тврдиме спротивното се „Негорки Бањи“. Комплекс кој вложува во усовршувањето и постојано надоградување на своите човечки ресурси, квалитет на услуга, удобност при престој и развивање активности за искористување на слободното време.

Тимот на Кајак.мк разговараше со Кирил, кој е дел од организацијата на „Негорски Бањи“, а кој за Кајак.мк вели дека честопати слушаат изреки од гостите во стилот на „Доаѓаме овде за да се вративме во сопствената кожа“.

Ваквото размислување на гостите се должи на повеќе фактори. Негорските бањи се лоцирани на доста специфична средина, во подножјето на Кожуф планина, помеѓу богата и ретка јасенова шума која формира природен парк. Ова шума зафаќа површина од 22 хектари околу комплексот.

Што се однесува до внатрешноста на објектот, гостите имат можност да користат финска и инфра ред сауна, џакузи на отворено и повеќе видови масажи. Комплексот располага со фудбалски терен, патеки за трчање, пешачки патеки, а ла карт ресторан.

Негорски Бањи располага со 3 хотели (Божур, Кала и Јасен) кои имаат вкупен капацитет од околу 280 легла. Поголем дел од собите се двокреветни со поединечни кревети, а има и трокреветни соби, соби со брачни кревети и апартмани.

Доколку сакате повеќе информации за сместувањето, фотографии и контакт за резервации кликнете ОВДЕ.