28.10.2026

Ја заменив Норвешка со село Шлегово: Творењето ја води Маргарета низ животниот лавиринт

Ја заменив Норвешка со село Шлегово: Творењето ја води Маргарета низ животниот лавиринт

Тимот на Кајак.мк продолжува со потрагата по приказните на вистинските локални херои кои прават мали нешта од огромно знечење во развојот на локалниот туризам. Денеска ве водиме во едно прекрасно селце, со име Шлегово, сместено во околината на Кратово.

Во село Шлегово, нам не дочека Маргарета, која по осум години во Норвешка се вратила кон животот на село и творењето. Таа изработува кукли, ирваси, гномови, чанти и украсни предмети.


Додека живеела во Норвешка, во мислите имала неколку различни животи. Сакала да слика и да изработува кукли и украси. Сакала да живее на село, да чува животни и да одгледува сопствена градина. Ја привлекувала и помислата да живее покрај море, на дива плажа, каде што би можела да плива со часови.

„Тешко ми е кога треба сама да се опишам“, вели Маргарета. Но, нејзиниот пат лесно се препознава во желбите што со години ги носела во себе.

Така, осум години во неа се собирале различни желби и идеи. Од нив постепено се родила и желбата за ракотворење.

„Сакам луѓе, многу ги сакам, но претпочитам да бидам сама. Сакам да се облекувам необично, а да бидам незабележлива. И тоа — во исто време“, раскажува таа.


Природата, како и уредените домови и дворови во Норвешка, ја инспирирале со скандинавската естетика. Таму започнала да создава предмети што ги спојуваат нејзината љубов кон рачната изработка и интересот за повторна употреба на материјалите.


Маргарета најчесто користи рециклирани материјали за да изработува уникатни кукли, ирваси и гномови. Нејзиното творештво опфаќа и кожни чанти, украсни перничиња и торби за славски погачи и панаѓии. Со декупаж техника украсува шишиња и теглички, претворајќи ги секојдневните предмети во декоративни ракотворби.

„Да се живее на село е посебна магија. Не гледаш на часовникот — стануваш и легнуваш кога ќе посакаш“, вели таа.


Шлегово ѝ нуди мир и инспирација. Таа го опишува како живописно место, а чистиот воздух и плодната земја ги гледа и како можност за одгледување еколошка храна и изработка на производи за сопствените потреби и за продажба.

Во нејзиното творење важна е поддршката од децата, сопатникот и семејството, како и од колегите уметници од нејзиниот крај.


За Маргарета, најголемото задоволство е кога замисленото ќе стане готов предмет што може да го земе во раце.

„Најголем успех ми е кога ќе ја земам во раце креацијата што ми била во главата.“

На младите им порачува да ја користат природата секогаш кога можат, да се стремат кон своите соништа и, пред сè, да бидат добри луѓе.

 

 

 

Остави Коментар

Прочитајте повеќе

Колективно готвење за вкусен ноемвриски тим-билдинг во Вевчани!

Колективно готвење за вкусен ноемвриски тим-билдинг во Вевчани!

Ноемвриски рурален тим билдинг со TaskForce!

Ноемвриски рурален тим билдинг со TaskForce!

Недела на италијанската кујна во Скопје 2026: Гастрономија и традиција

Недела на италијанската кујна во Скопје 2026 носи гастрономски работилници, мастер-класови и презентации на италијанските регионални специјалитети.

Охридски аеродром во зимската сезона 2026/2027: Нови можности за туризмот

Охридски аеродром во зимската сезона 2026/2027 отвора можности за подобра поврзаност со европските градови и развој на туризмот во текот на целата година.

Македонија повторно изненадува: Антички мозаик откриен на локација за која малкумина знаат

Мозаикот во Пеленица кај Драчево открива нов дел од античката историја на Скопје. Откријте што пронајдоа археолозите.

November Run: 3.000 учесници минатата година, ново издание на 14 и 15 ноември

November Run 2026 ќе се одржи на 14 и 15 ноември во Гевгелија. Минатата година настанот привлече 3.000 учесници, од кои 1.300 на главните трки.