„Кога ќе се спомене грозје и преработки од грозје, секој помислува на вино или ракија, но од грозјето се произведуваат и други прехранбени производи кои се многу здрави за консумирање и зајакнување на имунитетот. Таков е маџунот“, вели Ангела, производител на „Неготински маџун“.

За да имаме добар маџун потребно е добро грозје, кога веќе имаме квалитетно грозје започнуваме со негово мелење се додека не добиеме гроздов сок, односно шира. Потоа продолжуваме кон цедење на ширата и ја оставаме да се вари околу 48 часа на одредена температура се додека не ја добиеме потребната густина на маџунот.

100% природно без додаток на шеќер, адитиви и конзерванси. Маџунот е добар за зајакнување на имунитетот, крвта, лек за настинки и инфекции на дишните патишта, лек за црниот дроб, се бори против холестеролот, делува антиканцерогено, а помага и за прекумерна тежина.

Оние кои сакаат да го користат треба да знаат дека се консумира од една до две лажички во денот, наутро и навечер. Може самостојно или растворени во вода, чај, млеко или сок.