Нова сезона, нови авантури
Новиот туристички период го започнуваме со проширен пловен парк и дополнителни содржини кои им ги нудиме на нашите посетители. Ова лето, нашиот капацитет е зголемен на 20 кајакари по тура, кои ќе имаат можност да веслаат истовремено под надзор на лиценцирани спасувачи на вода и искусни водичи низ познатите авантуристички патеки:

Сафари кајакарење по Црн Дрим и Глобочичко Езеро:
Започнете од село Ташмаруништа и авантурата низ месноста Теснец, продолжете покрај Бигор, Бигорскиот мост и манастирот Св. Јован Претеча, се до новото село Глобочица. Ова патување вклучува возбудливо веслање над старото потопено село и црквата Св. Илија.

Градската Кафе-Тура:
Од Хотел Солферино, покрај Машка Плажа, до Устието на Дрим, каде што Охридското Езеро се спојува со реката. Продолжете покрај Женска Плажа и Локалитетот Дримени, уживајте во прекрасниот пејзаж и завршете со кафе послужено на 5 км од Струга, на длабочина од преку 150 метри.

Еколошки придонес:
Кајакарските тури се од особена важност за струшкиот регион. Покрај авантурата, редовно се спроведуваат еко патроли, чии резултати водат кон еколошки акции и подобрување на природната средина. Сите активности се финансираат од нашиот тим.

Кајакарска опрема под наем:
Од оваа сезона, нудиме и кајакарска опрема под наем. Изберете меѓу едносед, двосед или тросед, со чамец, весло и безбедносен елек. Изнајмете ја опремата на час, полудневно или дневно и започнете го своето авантуристичко патување.

Хуманитарни маратони:
Годишните хуманитарни маратони за лица со ретки болести, „Весламе за ретките“, годинава ќе го одржат своето трето издание. На него може да учествува секој кој сака да се вклучи и да даде свој придонес.

Минатата година:
Кајакарскиот спуст по Црн Дрим го искусија 230 кајакари од земјава и странство, што ја потврдува популарноста на оваа авантура.