Новата сезона ја дочекуваме со зголемен пловен парк и нови содржини кои им ги нудиме на туристите. Ова лето капацитетот на лица по тура изнесува 20 кајакари кои можат истовремено да веслаат а се пратени од лиценцирани спасувачи на вода и водичи низ добропознатоте авантури:

• Сафари кајакарење по Црн Дрим и Глобочичко Езеро, од село Ташмаруништа низ месноста Теснец, покрај Бигор и познатиот Бигорски мост и манастирот Св. Јован Претеча се до новото село Глобочица, веслајќи се над старото потопено село и црквата Св. Илија.
• Градската Кафе- Тура, од Хотелот Солферино, покрај Машка Плажа, Устието на Дрим каде Охридското Езеро истекува во реката, Женска Плажа, Локалитет Дримени и послужување кафе на 5 км од Струга на длабочина од преку 150 м.

Кајакарските тури се од исклучително значење за струшкиот регион бидејќи покрај кајакарењето редовно се вршат и еко патроли врз чии резултати се прават еколошки акции. Активностите се спроведуваат со самофинансирање.

Од оваа сезона се нуди и кајакарска опрема под наем (чамец, весло и безбедносен елек) едносед, двосед или тросед, на час, полудневно и дневно.

Секоја година се организираат хуманитарни маратони за лицата со ретки болести "Весламе за ретките" годинава ќе биде третото издание и на него може секој да земе учество.

Минатата година кајакарскиот спуст по Црн Дрим го искусија 230 кајакари од земјава и странство.