Капацитетите се распоредени во 2 објекти и планински куќички (бунгалови).

-Трокреветна соба во планинската куќа -3100,00ден
-Бунгалов/делукс бунгалов-2600,00ден
-Апартман(капацитет 4 лица)-3500,00ден
-Вип апартман (капацитет 4 лица)-4000,00ден
-Голем апартман(капацитет 9 лица)-4500,00ден
-Двокреветна делукс соба-2800,00 ден

(2 спални соби со брачен кревет,5 еднинечни кревети,голема дневна соба со софа,трпезарија)


-Доручек -300,00ден по лице
-Ручек/вечера- 600,00ден по лице,се состои од избор на јадење од менито за главно јадење,салата и леб.
Пијалоците не се вклучени во цената.

За деца до 8 год,оброците се бесплатни.
За деца до 12год оброците се на 50% попуст.

Цените се по тип на сместување, по ноќевање, независно колку лица ќе бидат сместени.

Собите во хотелот и планинската куќа располагаат со ТВ, а во хотелските соби има и мало фрижидерче.

Сместувањето има Wi-Fi.

Има бесплатен приватен паркинг во комплексот за сите гости.

Максималниот капацитет е за 55 лица во зависност од тоа колку лица ќе бидат сместени по соби и апартмани.

Најголемата предност е што комплексот е опкружен со прекрасни пејзажи на трите планини кои го обиколуваат: Бистра, Кораб и Шара.

Во склоп на комплексот има пешачки патеки за оние кои сакаат да уживаат во природата, а во непосредна близина е кањонот на река Радика.

Комплексот е идеално место за сместување за оние кои се решаваат да го искачуваат Кораб и да ужуваат во неговите глетки.

Мавровското езеро е одалечено на само 5км

Манастирот Св. Јован Бигорски се наоѓа на 18 км од Трница

Дуфскиот Водопад е одалечен 20км

Комплексот располага со сместувачки капацитети, ресторан, рецепција, сала за деловни состаноци, лоби  и сопствена продавница за: млечни и месни производи, слатко, мед, вино. 

За најмалите има детско игралиште со разни реквизити како и детски велосипеди.

За гостите комплексот нуди бесплатно користење на велосипедите и риболовна опрема. Располагаме и со сопствени коњи и организираме тури за јавање за почетници.

Околу комплексот има пешачки патеки за гостите да можат да уживаат во природата во целост.

Во склоп на комплексот „Кораб Трница“ се наоѓа целосно реставрираниот ресторан со автентичен изглед и градба од 1974 година. Ресторанот го има задржано оригиналниот надворешен и внатрешен изглед, но за да се овозможи прием на поголем број гости, изградени се летни тераси низ кои тече рибник со речна пасрмка, како и фонтани што се прелеваат во него.

Ресторанот го има задржано и оригиналниот ентериер, кој се состои од масивни дрвени столбови, внатрешна тераса, камин, лустери и мермер, а сето тоа е одлика на одлучноста во едно поинакво и тешко време во планински предел да се направи нешто модерно, а тоа истовремено да е и традиционално катче за уживање.

Во ресторанот се служи традиционална храна, а најпознат е по качамакот, кој е симбол на овој ресторан и кој се приготвува по стариот рецепт на овчарите од Кораб Трница. Истиот се служи со овчото кисело млеко или со „кораб кашкавал“ и „трничко сирење“ и претставува вистинско кулинарско задоволство. Се служат  и традиционални рекански пити со зелка, праз, спањак и со тиква, потоа одлично приготвено јагнешко, јарешко, телешко и пилешко месо, риба и многу други јадења.

Комплексот се наоѓа во тивка и мирна област, поточно с.Трница, на патот накај Дебар.

Трница е место за оние кои ја сакаат природата и  уживаат во мирот и тишината кој таа го нуди.

Секако има активности и за авантуристите, како што се турите со коњи, планинарењето, велосипедизмот...

Check in: По 14:00 часот.
Check out: До 11:00 часот наутро.

Персоналот на комплексот е тука да ги исполни сите желби и барања на гостите, од моментот на сместување до нивното задоволно заминување.

Доколку гостите останат повеќе од 7 дена се менува постелнината и пешкирите.

Сместувањето дозволува влез на домашни миленици и има простор за оставање велосипеди на безбедно.