Идејaта за изработка на еко восочни обвивки произлегла од подарокот- восочна амбалажа кој за првпат го добива од нејзината внука која живее во Нов Зеланд. Со многу ентузијазам ја создадала ЕКО восочната обвивка од 100% памучен материјал и природен пчелин восок, на нејзин начин како амбалажа која ги заменува пластичните и алуминиумски материјали и може повеќекратно да се употребува до 1 година и повеќе. ЕКО восочната обвивка е еколошка, практична, со убав дизајн и лесно се одржува. Еколошките обвивки, Сања вели дека се нејзината борба со загадувањето од пластика, создавање на отпад како и прекумерното трошење на храна.

Се изработуваат од памучен материјал, природен пчелин восок од локални македонски пчелари, начинот за соодветна подготовка и обработка на восокот и материјалите, вистинската постапка за импрегнирање на восокот врз материјалот. Ресурсите внимателно се избани и со многу ентузијазам ги создава и креира обвивките посебно, знаејќи дека во нејзините пензионерски денови прави нешто корисно.