АПАРТМАНИТЕ НЕ СЕ ИЗДАВААТ

Апартманите се наоѓаат во близина на Билјанини Извори. Се наоѓаат во нова зграда на прв, втор, трет и четврт спрат. Во објектот има лифт. Зградата е на втора линија од кејот на Охридско езеро на 5 минути од езерото и на 10 минути од центарот на Охрид.

Сите апартмани имаат ист распоред, само различна боја.
Секој апартман има по 2 единечни кревети со можност да се спојат и користат како спална. Двосед на развлекување и помошни креветчиња кои може да се наместат по потреба.

Капацитетот на еден апартман е за 2-ва возрасни и 2 дева до 10 години, а може да се сместат и 3 возрасни лица.

Оделна спална соба нема, просторот е отворен со исклучок на ходникот и тоалетот.

Секој апартман поседува сопствена кујна опремена со рингли, плотна, аспиратор, фрижидерче, електричен бокал, тенџериња, чаши, шољи, чинии. Исто така има трпезариска масичка со столчиња.

Апартманите имаат ТВ и Wi-Fi.

Секој апартман има посебно купатило со стаклена туш кабина, проточен бојлер, ходник со шкаф, надворешни ролетни со механизам на струја за кревање и спуштање.

Апартманите имаат балконче со масичка и две столчиња со поглед во тревникот каде има веранда за одмор.

Приватен паркинг нема, но има можност за паркирање на улицата каде засега не се наплаќа.

Во самата зграда има огромен супер маркет „Топ маркет“, а во околината има и ресторани.

Дозволен е влез на домашни миленици доколку имаат стекнато навики за физиолошки потреби.

Зградата има подземна гаража, каде може да се оставаат велосипедите.

Во близина на сместувањето се наоѓа спортско рекреативен центар, кејот, Билјанини извори, пешачка патека по кеј која е на 5 минути од објектот.

Сместувањето е по 12:00 часот, а одјавувањето е во 10:00 часот

Клучот се презема од сопствениците, а има можност да се подигне и од маркетот.

Цената варира во зависност од периодот од годината и бројот на ноќевања.