За Medlex, Ненад вели дека е фамилијарен бизнис кој неговиот татоко го започнал пред цели 30 години, а Ненад уште од мали нозе е заедно со пчелите. Низ годините го учи и усовршува занаетот, за како што вели да помогне да се изгради во еден познат македонски бренд.

Она што можеби го прави нивниот „меден занает“ уникатен е фактот дека тие се занимават со номадско пчеларство. Покрај нивните базни станици во околината на Пробиштип, акцентот го ставаат на регионот на Пробиштип каде ги преселуваат пчелите на разни локации низ регионот.

Со комплетна опрема и транспортери креирани да пренесуваат сандаци, нивната сезона започнува од рана пролет со појавата на вегетацијата во својот крај. Пролетта ја започнуваат од село Стрисовци, па се до Кнежево кое е на надморска височина од 1100 метри, каде што се собира чист планински мед.