Винарија „Лазар“ е семејна винарија основана во 2015 година, која прерасна во симбол на квалитет и традиција во македонското винарство. Сместена во близина на античкиот локалитет Стоби, во срцето на Тиквешкиот вински регион, винаријата нуди уникатно винско доживување.

Турата започнува со поаѓање од Скопје, кој е на 80км од овој предел.

Пристигнувањето е во античкиот локалитет Стоби. 

Археолошкиот локалитет Стоби е еден од најважните антички локалитети во Македонија, лоциран во близина на градот Градско, во близина на винаријата Стоби. Овој древен град бил еден од најголемите и најзначајните римски градови во регионот, и денес се истражува како сведок на богатото културно и историско наследство на овие простори. Стоби е познат по своите остатоци од амфитеатарот, јавните бањи, црквите, палати и други архитектонски објекти, кои сведочат за развиената урбана инфраструктура и културни влијанија на римскиот период. Посетителите можат да се запознаат со овие историски останки и да уживаат во уникатната атмосфера на овој антички локалитет.

Потоа се упатуваме кон винарија „Лазар“. 

Со годишно производство од околу 150.000 шишиња, „Лазар“ располага со 22 различни етикети, од кои 70% се бели, розе и пенливи вина. Особено се истакнуваат пенливите вина произведени по италијанската просеко технологија, позната како шармат метод, што ги прави единствени на македонскиот пазар.

Во винаријата ќе имаме дегустација, обиколка и запознавање со процесот на производство.

Потоа следи ручек, подготвен од локални деликатеси или специјалитети од меѓународната кујна, кои ќе го надополнат вашето винско искуство.

По ручекот ќе имаме и слободно време за истражување на околината.

Турата завршува со поаѓање назад кон Скопје.

„Лазар“ е вистинска дестинација за љубителите на виното, храната и природата, нудејќи незаборавно искуство во секој аспект.