Слободата која ја имаат коњите при совладување и искачување на различни терени е непроценлива и не може да се спореди со никое моторно возило. Посебно јавањето на коњи во близина на село Требиште.

Турите кои се организираат во помали групи, со максимален број на учесници до 6 лица, се идеална опција за тимбилдинг активности, фамилијарни излети, или дружење со пријатели и роднини. Ова е совршен начин да поминете време во планина со најблиските, уживајќи во мирното опкружување, далеку од градскиот метеж.

Со овие тури се настојува да се создадат незаборавни искуства за оние кои сакаат да истражуваат нови предели и да се впуштат во авантури.

Вклучувањето на локалното население во развојот на туризмот во оваа област го поддржува економскиот раст и помага во подобрувањето на условите за егзистенција во селото, каде коњите се клучен извор на приход.