Видови дегустации/понуди:

1.      Дегустација на македонски ракии и вина

Дегустација на повеќе видови овошни ракии од семејната дестилерија Careva и домашни вина (бело, розе и црвено), проследена со богата традиционална даска од автентични македонски производи – сувомеснати специјалитети, домашни сирења, ѓомлезе, ајвар и други локални апетисани.
Времетраење: 3 часа
Цена: 30 евра по лице

2.      Дегустација + традиционален ручек

Дегустација на повеќе видови овошни ракии и домашни вина (бело, розе и црвено), проследена со богата традиционална даска од македонски производи – сувомеснати специјалитети, домашни сирења, ѓомлезе, ајвар и други апетисани, надополнета со целосен традиционален ручек подготвен по домашни рецепти.

Ручекот вклучува автентични македонски специјалитети зготвени од локално одгледани и набавени производи од нашите македонски села, со акцент на свежина, традиција и домашен вкус.
Цена: 45 евра по лице

АГЕНДА/ПРОГРАМА НА ПОНУДАТА:

Вашето патување започнува со организиран превоз од однапред договорена локација, оставајќи го модерниот свет зад себе и зачекорувајќи во мирниот ритам на македонскиот селски живот.

По пристигнувањето, ќе бидете пречекани во вистински македонски дух – со традиционално мезе подготвено од домашни и локално произведени производи, проследено со дегустација на рачно изработена овошна ракија од семејна Царева дестилерија во село Klimeštani.

Вашиот домаќин сликовито ќе ве води низ целиот процес на создавање ракија – од сончево зрели плодови од сопствените овоштарници, преку природна ферментација и бавна дестилација во традиционален бакарен казан, па сè до зреењето и конечното точење во чаша. Ова не е само дегустација, туку жива приказна за традиција пренесувана низ генерации – вистинско искуство „од овошје до чаша“.

Потоа следува посета на на винаријата, каде ќе дегустирате три внимателно произведени домашни вина – бело, розе и црвено – и ќе се запознаете со уметноста на винарството и семејната страст вложена во секое шише.

Авантурaта продолжува со прошетка низ селото Klimeštani, опкружени со планински пејзажи, кристално чистите води на Река Сатеска, мирисни овоштарници и историската Црква Свети Климент Охридски – симбол на длабоката македонска духовна и културна традиција.

За љубителите на активен одмор, постои можност за пливање во освежителната ладна вода на реката, учество во сезонско берење овошје, традиционално молзење кози, како и забавни селски игри – погодување ракија со затворени очи и фрлање секири, вештини кои некогаш биле дел од секојдневниот селски живот.Дополнително, достапна е и опција за традиционален ручек со автентични македонски специјалитети подготвени од домашни, локално одгледани производи – органски зеленчук, домашно сирење, тазе печен леб и месо од локално одгледувани животни.