Еднодневна тура од Скопје до Виничани - Посета на фарма за магариња

Поаѓаме од Скопје во утринските часеви.

Неколку информации за селото Виничани:

Село Виничани, со нешто повеќе од 470 жители, се наоѓа во областа Клепа. На десниот брег од реката Вардар. На 23км јужно од Велес и на само 5км од општинското градско подрачје Градско.

Селото е познато по честото менување на својата местоположба. Уште од минато време постојат докази - археолошки наоѓалишта кои сведочат дека повеќе од девет пати Виничани ја менувало својата местоположба. За денешната локација има многу записи во македонски и турски книги, па може да кажеме дека е веродостојна.

Економијата во Виничани е во постојан раст, со земјоделието како главен сектор, кој учествува со 80% од економската активност. Во минатото, главни земјоделски култури биле памук, тутун и афион, додека од 90-тите години започнало садењето лозја и овошки.

Виничани е еден од најголемите производители на раноградинарски култури во Македонија, со значителен извоз на пипер, патлиџан, кајсии, праски и други земјоделски производи.

Токму овде, на оваа локација се наоѓа фармата на Тео. 

Нашата програма:

- По пристигнување на фармата, ќе бидеме пречекани од домаќините. Запознавање со семејството.

- Презентација на фармата.

- Разглед и запознавање со магарињата.

- Учество во грижа за магарињата.

- Процесот на давање млеко, обработка, складирање.

- Дегустација.

- Прошетка во природа.

- Локален оброк.

Турата завршува со поаѓање назад кон Скопје во попладневните часеви.