Етно домаќинството „Плевна“, водено од семејството Мицкоски, не е само место каде што може да се одморите од секојдневните обврски, туку е простор каде што секој посетител станува дел од заедницата и животот во селото.

Од 2011 година, Ивана и Горан Мицкоски започнуваат со подготовка на разни специјалитети за гости од целиот свет, нудејќи им уникатен увид во автентичниот живот на село. Во „Плевна“, секој гостин е поканет не само да вкуси, туку и да учествува во приготвувањето на традиционални македонски јадења. Ова дава можност за вистинско искуство на учење и размена на културни вредности.

1.      Пристигнување на групата во Куратица

2.      Поаѓање за прошетка нис селото доколку групата туристи се одлучи за прошетка.

3.      Запознавање со селото и околината, планините на хоризонтот, поглед на Охридското езеро, слободни активности.

Турите се организираат претежно за ручек или вечера.

Се нуди можност за организирана вечера со скара и логорски оган на туристички групи.

Менито во домаќинството вклучува мешано месо со домашно производство, салати, сирења, петулици, макала, подготвен зеленчук, домашен леб, локални пијалоци и друго.