За оние кои првпат слушаат за центарот за водени спортови, треба да знаат дека тука се нуди специјализирана опрема за активности како Wakeboard, Wakesurf, скијање на вода, авантура со банана и разни гуми за влечење на поединци или групи луѓе по езерото. Покрај тоа, посетителите можат да изнајмат SUP даски.

Центарот организира целодневни, полудневни и единечни тури, зависно од интересите и големината на групата.

Целодневната тура вклучува 8 часа на езеро, со можност за возење со wake/surf/ski, во зависност од желбите на клиентите. Се посетуваат приватни плажи и се ужива во мирот на езерото. За време на денот има пауза за ручек во еден од локалните ресторани, а потоа се продолжува со возење при зајдисонце.

Центарот е единствен во Македонија кој нуди вакви тури, со целосна опрема за сите водени спортови, погодна за сите возрасти. Максималниот капацитет на еден чамец е 7 лица.

Турите се организирани со цел да го доближат овој спорт до сите, вклучувајќи и оние кои немаат свој глисер, со што се нуди уникатно искуство на водата и адреналински активности.