Располага со 4 соби, од кои 3 се двокревети и 1 трокреветна. Две од собите се со брачни кревети со можност за разделување во единечни, а останатите две се со адаптирани кревети.

Секоја соба располага со соптвен тоалет со туш кабина, фен за коса, место за остава, клупа за багаж, наткасни маси , клуб масичка со фотелји.

Во посебно уреден простор надвор од собите има уредена кујна каде гостите можат да подготвуваат храна на плински горилици, скара на жар, гусани сачови и останата опрема и прибор. Во склоп на целината има затворен простор со маси и столови кои гостите можат да ги користат за доручек, ручек и вечера.

На имотот има WI-FI меѓутоа со оглед на местоположбата е со послаб квалитет. Во најскоро време се очекува операторите да поработат на подобрување на квалитетот на сигналот.

Приватен бесплатен паркинг има точно на имотот.

Максимален капацитет на гости е 9 лица.

Со оглед на непосредната близина на Охрид, гостите со кола, велосипед , па дури и со пешачење може да стигнат до многуте атракции на Охрид од историска и културна природа.

Сместувањето се наоѓа во рурална средина концепирана како агротуризам.

Check in: Гостите можат да се сместат во 13 часот, но со предходна најава и секако доколку има услови може да се сместат и порано.

Check out: Гостите се одјавуваат во 10 часот.

Клучот на гостите го дава сопственикот и членови на семејството.

Постелнините се менуваат редовно пред секое сместување, а за гостите кои остануваат подолго време на секои 4 дена.Пешкирите се менуваат по потреба.

Домашни миленици се дозволени на имотот, но не и во собите.

Смесувањето има простор за велосипеди.