16.05.2022

Предлог пикник дестинација: Рибничка река

Предлог пикник дестинација: Рибничка река

Дали сте слушнале за Рибничка Река која важи за една од најголемите притоки на реката Радика?

Доколку не сте слушнале, овде е Борис Ѓеровски, нашиот локален херој кој преку прекрасни фотографии ја промовира позитивната и убава страна на реката која за него е една сосема кул дестинација за еднодневен пикник или за повеќедневно кампување.


За оние кои во моментов додека го читаат четивото се прашуваат како да стигнат до ова локација, еве повеќе инструкции:

·         До реката се стига преку регионалниот пат Маврово-Дебар. Непосредно по комплексот Кораб Трница во правец кон Дебар, треба да се исклучите од регионалниот пат во правец на селата. На самото исклучување се поминува преку мост под кој Рибница се влева во Радика.

Ако пак се прашувате кој предел е идеален за пикник, Борис го препорачува пределот во близина на местото Трница, непосредно пред Радика.


Штом пристигнете на местото, најпрво ќе се воодушевите од бистрината на водата. Затоа наш совет/препорака е постојано да носите со вас вреќа за отпадоци и во никој случај да не го оставите отпадокот на местото кадешто ќе кампувате, а во никој случај да не го фрлите во некоја од шумските корпи за ситни отпадоци, бидејќи тие се чистат ретко.

Оптадокот секогаш треба да биде фрлен во градски контејнер.


Рибничката реката настанува од повеќе извори на планината Кораб, во околината на врвот Бачилски Камен и пределите Горни и Долни Чардак, источно од превалецот Шкртец, на надморска височина од околу 1.920 м, од каде потоа продолжува со спојување на Извирскиот, Бабиниот (Прој и бабес) поток во долот над селото Тануше.


Ова река тече непосредно под селото Рибница по кое и го добила името, по што прима уште две притоки, и тоа Рагалеч од десната и Длабока Река од левата страна, а потоа станува полноводна сè до својата утока во Радика.

Фотографиите се направени од: Борис Ѓеровски (facebook), b.gjerovski (instagram) и raw.wild.adv (instagram).

Остави Коментар

Прочитајте повеќе

Нови и модерни апартмани во срцето на Скопје

Секој апартман е проектиран со цел да обезбеди максимален комфорт и интимност, опремен со дневна соба, кујна, трапезарија, две спални соби, два тоалети и две тераси, идеални за одмор и уживање.

Нов планински бунгалов на 1200 метри височина достапно за резервации

Сместен на магична надморска височина од 1200 метри, во срцето на недопрената природа која го бакнува Беровското езеро, се отвори уште еден нов бунгалов идеален за еден пар кој сака да ужива во приватноста и спокојот.

Резервирајте ја планинската дрвена куќичка во која никој нема да ве најде

Тимот на Кајак.мк постојано ја надополнува својата база на приватни сместувања со нови уникатни скривалишта за луѓе кои сакаат да одморат глава од напорната работа, од гужвата и хаосот.

Апартман во Берово достапен за секого

Тимот на Кајак.мк ве информира дека од денеска во нашата база на приватни сместувања ни се приклучува уште еден апартман кој може да си го дозволи сечиј џеб.

Запознајте ја стружанката Сара: Младата девојка која изработува накит од овча волна

Материјалите што ги користи Сара се од највисок квалитет и се природни. Овчата волна ја припрема сама, од перењето и чистењето до влачењето и боењето.

Изнајмете вила со приватен базен во Кучково преку Кајак.мк

Уште едно ново сместување со базен за оние кои сакаат да имаат апсолутна приватност!