Тура низ селата во Охрид е одличен начин да го доживеете традиционалниот начин на живот, автентичната архитектура и прекрасната природа што ги нудат руралните предели околу Охридското Езеро.

Дел од турата е пешачка, а дел од турата ќе има организиран превоз.

Селата се наоѓаат во подножјето на Галичица, величествен планински масив што ги дели Охридското и Преспанското Езеро, нудејќи неверојатни панорамски погледи и уникатна природа. Како дел од Националниот парк Галичица, оваа планина е дом на богат биодиверзитет, ретки растителни и животински видови, како и бројни пешачки и велосипедски патеки. Со своите зелени падини, карпести врвови и чист воздух, Галичица е вистински рај за љубителите на авантури, планинарење и природа.

За започнување на турата ќе одредиме почетна точка во зависност од барањата на групата и нивното сместување во Охрид.

Ги посетуваме:

1. Горно Коњско - патеката до Горно Коњско е популарна меѓу планинарите и љубителите на природата, бидејќи нуди мир, чист воздух и чувство на враќање назад во времето. Ова некогаш живописно село денес е познато по својата автентична македонска архитектура, недопрена природа и спектакуларниот поглед кон Охридското Езеро.

2. Елшани - мало, тивко село со сочувана македонска архитектура и топли домаќини. Познато е по чистиот воздух и можноста за планинарење кон Галичица. Ако сакате автентично искуство, тука можете да пробате домашно сирење, мед и традиционални јадења.

3. Трпејца -  прекрасно рибарско село кое е вистински бисер на брегот на Охридското Езеро. Познато е по своите плажи со кристално чиста вода, рибни специјалитети и гостопримливи домаќини. 

4. Љубаништа – познато по својата близина до манастирот Св. Наум и изворите на реката Црн Дрим. 

5. Пештани - е прекрасно рибарско село сместено на брегот на Охридското Езеро, помеѓу Охрид и Свети Наум. Ова живописно место е познато по своите традиционални куќи, гостопримливи мештани и автентични рибни специјалитети.

Турата ќе ни заврши со посета на селото Рамне, каде ќе имаме традиционален македонски ручек, часеви по готвење и прекрасно зајдисонце.

Турата е целодневна. Започнува во раните утрински часеви, а завршува во приквечерните часеви.

Оваа тура може да се организира и од Скопје со поаѓање рано наутро и поаѓање назад кон Скопје во приквечерните часеви.