Турата започнува во утринските часеви.

Почетна точка е Нижеполе.

Живописно село сместено на подножјето на планината Пелистер, познато по својата природна убавина. Селото е идеално за љубителите на природата и планинарите, бидејќи е блиску до Пелистерскиот национален парк и патеките кои водат до планинските езера.

Патеката започнува од село Нижополе на 1170 метри и води низ живописни пасишта, нудејќи прекрасни погледи на околните планини.

По три часа пешачење се стигнува до Големото Езеро на 2218 метри.

На ова додаваме уште десетина минути до точката со панорамски поглед.

Одмор, фотографирање и време за индивидуално истражување. 

Совршен тајминг да ги слушнете и легендите за "Пелистерските очи" - Легендата за Пелистерските очи раскажува за две сестри, кои се родиле во село блиску до Пелистер. Откако нивниот дом бил нападнат од непријатели, тие бегале и дошле до планината. Тука, во својот очај, нивниот бол и солзи се претвориле во два прекрасни планински водени базени – Големото и Малото Езеро, познати како Пелистерските очи. Езерцата се символи на љубовта и болката на овие две сестри.

Спуштањето до почетната точка во Нижеполе е околу два часа.

Таму ќе имаме организиран ручек кај локално семејство.

По добра планинарска тура, секој заслужува убав македонски традиционален ручек.

Турата завршува во попладневните часеви.

Може да биде обезбеден трансфер од било која локација до почетната точка на планинската тура.

Може да се обезбеди трансфер од повеќе градови низ Македонија до почетната точка и назад.

На барање на групата може да се направи целосна организација за транспорт.