Еднодневна тура во срцето на Малешевијата. 

Поаѓање од Скопје во раните утрински часеви.

Источна Македонија е регион познат по својата живописна природа, рурална автентичност и богато културно наследство. Овој дел од земјата нуди комбинација од планински предели, плодни долини и традиционални села, каде што се негуваат старите занаети и обичаи.

Берово е мало, но живописно гратче во овој регион, познато по својата прекрасна природа, чист воздух и традиционална архитектура. Сместено во Малешевските Планини, Берово е идеална дестинација за љубителите на мирот, планинските прошетки и автентичните локални искуства.

Во Берово има многу што да се посети и истражува. Во нашата еднодневна тура ќе ставиме акцент на духовното, историско, културно наследство од регионот.

Ќе го посетиме Манастирот Св. Архангел Михаил - познат и како Женски Манастир. Единствен манастир во Македонија каде сеуште се прават мозаици.

Црквата Пресвета Богородица - изградена во стилот на византинско-македонски цркви од средниот век.

Разглед на Берово со посета на локални занаетчии и ручек кај локалци. Берово е познато по кравјо и овчо сирење, домашни колбаси, мед и органски производи. Традиционална Малешевска трпеза е неизбежен дел од нашата тура.

Беровското Езеро – прекрасно место за прошетки, релаксација и фотографирање.

Берово е вистинска рурална авантура, нудејќи комбинација од природни убавини, традиција и гостопримство. 

Се враќаме назад кон Скопје во доцните попладневни часеви.