Улиците на Италија повторно мирисат на пица

После два месеци карантин, воведен за да се спречи ширењето на коронавирусот, пицериите во Неапол, родното место на пицата повторно почнаа да работат.

Додека на пицериите во Рим и во другите градови им беше дозволено да работат само со достава на пица, во Неапол заради густината на населението и за да се избегне овој град да стане ново жариште на КОВИД-19, беше забранета секаква работа на пицериите.

Работењето на пицериите беше дозволено од понеделник вечерта, а гувернерот на Кампанија, округот каде се наоѓа Неапол, изјави дека на почетокот на епидемијата мораше да се постават ригорозни мерки бидејќи се сметало дека болниците во регионот не можат да се справат со големиот прилив на пациенти.

@aliyahjam

Со ублажувањето низ цела Италија, гувернерот Де Лука дозволи испорака и продажба на пица во пицерии и ресторани, но без задржување. Севкупното отворање на барови и ресторани се очекува да биде во јуни, но со заложба за почитување на мерките за социјална оддалеченост и дезинфекција.