Јас сум Борче Стојков и произведувам вино кој може да си го дозволи секој

Бакалницата на Кајак.мк од ден на ден чиниш препраснува во еден мал саем на семејни винарии каде може да најдете нови вкусови и нови вина кои ретко се достапни на полиците на масовниот пазар.

Денеска ве водиме во селото Стањевци, селце кое брои само 40 жители. Селото е одалечено 40 километри од Свети Николе и е на надморска висина од 500 метри.

Идеалната надморска височина и квалитетната почва го поттикнале господинот Борче да одлгедува сопствени винови лозја и да произведува вино.

Борче за Кајак.мк раскажува дека со лозарство започнал да се занимава пред цели 20 години, односно во 2004-та година. Со тек на годините кај него се будела идејата да отпочне со органско производство на вино, нешто што би било здраво и убаво за конзумација.

Пред точни три години Борче се одлучува да отпочне со органско одгледување на лозовите насади. Свесен за тоа дека ќе се намали родот, но среќен дека ќе може да произведе добро вино за себе и своите блиски.

Љубовта кон лозарството и производството на органско вино го мотивирале да регистрира своја мала семејна винарија. Денеска веќе регистрираната винарија „Стојков“ произведува и полни розе, црвено и бело вино, кое вино е „органско во преодна фаза“

Розе виното е создадено како комбинација од Вранец, Мускат Хамбург и Прокупец, а црвеното Куве вино е од сортите Вранец, Бургундац и Мерло. Неговите вина можете да ги нарачате со достава до ваша адреса, а нив можете да ги погледнете со еден клик ОВДЕ.