Сместување на Пониква кое сведочи за најубавото зајдисонце

Ни доаѓаат месеците кога планината ќе ја добие сета своја слава. Последните денови од летото ги испраќаме користејќи го максимумот на сонцето кое не храни со витамин Д.

Но тоа не значи дека добро сонце не може да начекаме и во текот на есента и зимата. Напротив, денеска ќе ве запознаеме со едно доста уникатно сместување на Пониква кое е дел од нашата база на приватни сместувања, а кое сведочи за прекрасните зајдисонца и уникатниот поглед од дворот во кој може да уживате во текот на целиот ден.

За повеќе од вас „Апартмани Костески“ се веќе добро познато сместување кое може да го резервирате преку Кајак.мк со еден клик ОВДЕ.

Објектот се наоѓа на надморска височина од 1580 метри на Пониква, за која честопати знаеме да кажеме дека е планина на која може да поминете скромен одмор со скромен буџет.

Пониква располага со многу убава природа, чист воздух, ски патеки, велосипедски и пешачки патеки, ресторани со вкусна храна. Во склоп на објектот има детско катче со лулашки, убава голема тераса која е достапна за сите гости со поглед кон прекрасно зајдисонце, можност за голема дружба, скара и огниште покрај кое може да се седи и ужива. Дополнително вклучена е и заедничка просторија за дружба во зимно време опремена со два Smart телевизори, кафемат, комплетно опремена кујна со шанк која гостите може да ја користат за подготовка на топли пијалоци.

Објектот располага со 12 апартмани ( 6 мали и 6 големи ). Малите апартмани располагаат со брачен кревет и гарнитура на пуштање во дневната соба. Големите апартмани располагаат со една соба со брачен кревет, една соба со два единечни кревети и гарнитура на пуштање во дневната соба.  Сите апартмани располагаат со сопствен тоалет и кујна комплетно опремена со кујнски прибор.Пушењето внатре во апартманите е забрането, дозволено е надвор на терасите и околу објектот.

Сигурно сте заинтересирани за повеќе информации, фотографии и контакт за резервација? Доколку сакате повеќе инфо кликнете ОВДЕ.