Запознајте го Кристијан Алчинов: Дете кое ја сака наследната работа од неговиот дедо

Денеска времето ни е сончево, но не е до толку многу жешко. Затоа одлучивме да ве одведеме до Гевгелија, каде во самото предградие на градот се наоѓа пчеларска фарма на Кристијан, со назив „Алчинов“. Кристијан е домаќин кој верувајте дека ја сака својата работа, вљубеник во природата и во Кожуф планина, за која  вели дека е неговиот втор дом.

Кристијан ја развива приказната за апи центарот „Алчинов“ кој е во склоп на истоимената пчеларска фарма која е аманет од неговиот дедо.

Ние заедно со компанијата Singular, кои се верни поддржувачи на локалните херои кои ги споделуваме на Кајак.мк, бевме во посета на фармата. Кристијан не дочека со еден куп информации поврзани со животот на пчелите, ни раскажа за нашата македонка-пчелка, а имавме прилика да дегустираме разни медени специјалитети кои се произведуваат на самата фарма.

Додека пчелите си ја вршеа својата работа, ние имавме можност да ги посетиме апи коморите, како и да искусиме кратка апи терапија. За оние кои се заинтересирани за апи терапија, треба да имаат предвид дека ваквата терапија трае подолго од вообичаена туристичка посета, но дефинитивно би се вратиле повторно.

Ние веќе сме пишувале за Кристијан и драго ни е што неговата приказна постојано се развива. Кајак.мк ќе биде поддржувач на неговата млада приказна, а сигурни сме дека ќе ја посетиме повторно со уште многу групи.

Повеќе информации за пчеларската фарма можете да најдете со еден клик ОВДЕ.