Ја лансиравме првата јаболкова ракија во Македонија со бандерола

Платформата Кајак.мк добива уште една доста значајна приказна кога станува збор за уникатните нешта кои се произведуваат во Македонија, а служат како амбасадори-промотори на Македонија насекаде во светот.

Денеска нашиот тим ќе ви ја раскаже приказната на господинот Златко, човекот кој стои зад брендот „Никан Дестилерија“ или првата дестилерија која лансира јаболкова ракија во Македонија со бандерола.

Дестилеријата е регистрирана изминатата есен 2022-ра година кога Златко заедно со неговото семејство одлучуваат да ја запечатат идејата која ја имале скоро 20 години.

Нивната семејна овоштарска традиција грее скоро 8 децении, а семејната традицијата на печење ракија била главната причина која ги поттикнала да регистрираат мала семејна дестилерија.

Причината на самата регистрација на дестилеријата е да придонесат во зголемувањето на ракијарската култура во Струга, вели Златко кој додава дека со ваквиот чин ќе им докажат на луѓето дека здравото и зрело овошје може да биде преточено во капка префинет пијалак.

Ракијата ја произведуваат од сопствени овошни насади кои се лоцирани во срцето на плодното струшко поле во атарот на село Мислешево, Струга.

Водејќи се од мотото „Она кое не го ставаш во уста не ставај го во буре“ им дава поттик да продолжат со квалитетното производство.

Златко е горд на фактот дека ја лансирале првата јаболкова ракија во Македонија со бандерола, а за мошне брзо време очекуваат да излезат со ракија со слива и круша. Нагласува дека секоја ракија е двојно дестилирана, што значи дека се отстранети сите дополнителни и штетни алкохоли, што придонесува за чист етил алкохол со префинети ароми и својства.

Контакт број од „Дестилерија Никан“ можете да најдете со еден клик ОВДЕ.