19.01.2021
На 17 години за првпат влегов во студените води за Водици
На 17 години за првпат влегов во студените води за Водици
19-ти јануари е доста важен ден во светот верниците кои се
водат според јулијанскиот календар. Денеска православните македонци го
честувваат Водици или Богојавление. Денот кој според христијанското предание Св. Јован Крстител го крстил Исус Христос во реката Јордан.
Foto: Sitel.com.mk
Повеќето од вас знаете дека ние бараме поинаков фокус на
приказните во Македонија, па оттука
фактот дека не би останале рамнодушни, а да не го означиме денот со едно
скромно интервју. Забраната за јавни собири можеби не дозволува масовна
туристичка посетеност, но затоа пак Ивона Јакимовска Стојаноска од Прилеп ќе не
потсети на она што се случувало низ годините наназад.
Ивона живее во Прилеп. Има само 22 години, а за првпат
влегла во студените зимски води кога имала само 17 години. Таа се одлучила
ваквиот ритуал на „Скокање по крстот“ да го повторува секоја година. 2016-та и
2017-та година кога и биле воедно и првите години, ритуалот го применувала во
Прилеп, за потоа во 2019-та година да скока во Копер, Словенија.
Желбата на Ивона била присутна уште од најмали години. Таа вели дека поддршка добивала од целото семејство, а најмногу од нејзините родители. Според неа, целта не е да успееш крстот да заврши во твоите раце, туку успехот е да собереш храброст и влезеш во студените води.
За неа не преставува никаков проблем да се учествува во
топла која ја сочинуваат мажи. Додава дека во тој момент вашата перцепција не
се луѓето околу вас, туку водата, приказната, духот и вербата.
Да се биде рамо до рамо со мажи е под дифолт успех за секоја жена. Овде се рушат стереотипите дека жените не треба да се учеснички на ваквите религиозни ритуали. Овие стереотипи и додека вие го читате текстот, многумина од вас се уште ќе се согласат со ова.
Ивона вели дека во Прилеп учествувала со уште неколку
девојки, што значи дека не била единствена. Додека пак во Словенија, таму
скокнала во водите како единствена учесничка.
Луѓето во Словенија доаѓаа да ми честитат на храброста поради тоа што бев единствено женско, вели Ивона. „Добив и подарок за учеството што ете се покажа дека луѓето па и тамошните организатори го вреднуваат мојот потег, додава таа.
За неа најважно од се е да се биде физички подготвен. Треба
да се внимава на начинот на влегување во водата, треба претходно телото да биде
изладено за да може полесно да ја прифати драстичната промена на температурата.
Здравствени промени не почуствувала овие години, а верниците веруваат дека секој кој влегува во светите води на овој празник ќе биде здрав цела година.
Традицијата на Ивона е привремено паузирана поради
пандемијата, најмасовните манифестации во Охрид и Скопје кои секоја година ги
посетуваат илијадници туристи од земјава и странство годинава ќе бидат
одбележани на симболичен начин.
Градот Охрид секоја година важи за број еден дестинација за 19-ти јануари. Претходните години овој празник го организираше Дебарско-кичевската епархија согласно религиозните одредби, како и градот Охрид кој беше задожлен за целокупната организација.
Мора да се напомене дека покрај светиот крст, во Охрид има
се одржува и традиционалното капење на рибарите кое е надополнето со рибна
чорба која се служи во огромен казан на малиот плоштад, а која е бесплатна за
гостите.
Водици
важи за еден од најголемите христијански празници. Со него завршуваат 12-те
т.н. некрстени денови и циклусот зимски празници како Бадник, Божик, Нова
Година (Василица) и други. На овој
ден, верниците веруваат дека се отвора небото, се појавува Бог, а луѓето
му се обраќаат за да им ги исполни нивните желби. Во тој миг водите
престануваат да течат и стануват лековити.
Блог
Препораки
Прочитајте повеќе

Дониравме 350 килограми храна за бездомни кучиња и ја реализиравме првата тура со бездомни кучиња на нашиот нов тим билдинг со Singular
Тим билдинг преку кој Дониравме 350 килограми храна за бездомни кучиња и ја реализиравме првата тура со бездомни кучиња

Есенски моменти во Градскиот парк Скопје 2025
Локалните жители и туристите ја избираат зелената оаза во центарот на Скопје за пешачка прошетка, рекреација и визуелна инспирација во есенските денови.

Винските региони на Македонија: потенцијал за викенд туризам
Истражете го потенцијалот на винските региони на Македонија за викенд туризам. Откријте како природата, културата и локалната гастрономија создаваат автентични искуства за кратки патувања.

Тим билдинг на компанијата Immomates исполнет со многу предизвици и забава
Тимот на Кајак.мк повторно покажа дека тим билдинг настаните можат да бидат искуство за паметење!

Запознајте ја Верица - локалната хероина што создава чуда од епоксидна смола
Kajak.mk ги поддржува локалните херои кои со труд и креативност создаваат вредност во заедницата. Верица е една од нив – сметководителка по професија и уметник по душа, која со епоксидна смола создава уникатни предмети.

Зошто да изберете локален водич за вашите авантуристички излети во Македонија
Откријте зошто локалниот водич е незаменлив за авантуристички излети во Македонија. Безбедност, скриени патеки, културни приказни и максимално искуство за вашата тура.