Мојот прапрадедо ја започнал пчеларската приказна во далечната 1878 година

Денеска на платформата на Кајак.мк додаваме една скромна, стара и задржана приказна за семејството Алчинови, кои со генерации наназад се заминаваат со производство на мед, а нудат и разни услуги кои може да се користат во нивната пчеларска фарма.

Ова за нас од Кајак.мк претставува уште една уникатна гастро-дестинација која може да биде дел од вашата агенда за тим-билдинг и друштвени патувања, индивидуални и фамилијарни посети и истражувања на регионот на Гевгелија.

Ние стапивме во контакт со Кристијан Алчинов, млад и амбициозен пчелар кој гордо ни ја раскажа приказната за почетоците на плечарската фарма „Алчинов“.

Оваа семејна пчеларска традиција започнува од 1878 година во село Старо Конско, Кожуф планина, од пра-пра дедото на Кристијан, Ристо Алчинов (1858-1963), кој на својата 20-годишна возраст "уловува" диви пчели и ги населува во примитивни улишта - трмки. Оттука, неговиот син, пра-дедото Трајко Алчинов (1905-1993), продолжува со одгледување на пчелните семејства, дури и по преселбата во Гевгелија, ги оддржувал пчеларниците и во селото и во градот, се до 1960 година, кога од Германија ги носи првите Дадант-Блатови кошници, современи улишта со подвижни рамки и зголемено производство.

Медот и пчелните продукти, кои ги произведувала домашна пчеларска фарма, биле пласирани како на локалниот Гевгелиски пазар, неговиот дуќан во старата Гевгелиска чаршија, а често продавал и на странците кои поминувале со воз низ Гевгелиската железничка станица. Дедото на Кристијан, Ристо Алчинов (1930-2022), син на пра-дедо Трајко Алчинов, имено главен санитарен инспектор на Гевгелија во СФРЈ, продолжува со пчеларството со околу 150 пчелни семејства и развива уште 2 пчеларника и применува почетна номадска техника на селидбено пчеларење, т.е. преселба на пчелните семејства на испаша.

Денес, Трајко Алчинов, кој е татко на Кристијан, активно и професионално се занимава со пчеларство од 1980-тите до 2000-те години, каде што прави суштинска промена во пчеларската техника, од Дадант-Блатови кошници во Фаррарови кошници, кои се за професионална употреба и интензивно пчеларење. Исто така, го издигнува номадското пчеларење (селидбено) на професионално ниво, со примена на платформи и контејнери.

Кристијан и Бруно Алчинови, како 5-та генерација пчелари во фамилијата, активно и професионално вклучени во пчеларската дејност од 2017 година, ја до-оформираат „Пчеларска Фарма АЛЧИНОВ“, со комплетно производство на сите пчелни продукти, како мед, полен, перга, прополис, восок, матичен млеч и пчелин отров, како и нус производи како креми, природни чаеви и восочни свеќи, присутни на домашниот и странскиот пазар.

Пчеларска Фарма АЛЧИНОВ е вратена во својот полн капацитет во 2017 година. Од тогаш до ден денес е вложен огромен труд, енергија и ентузијазам, за до-усовршување на професионално ниво, но и модернизирање на производството со современи алати, машини, направи и техники. Сето тоа, во симбиоза со традициналното пчеларење и оддржување високо ниво на квалитет.

Кристијан вели дека во 2020-та година, одлучиле да го отпочнат проектот апи-тераписки центар, каде што би биле достапни и друг тип на услуги и производи од вредните пчелки, а тоа е апи-инхалација, вдишување на пчелниот воздух, кој е исклучително подобен за сите респираторни и кардио-васкуларни заболувања. Пчелниот воздух е полн со аеросоли, флавоноиди, т.е. испарувања од сите пчелни производи во пчелното семејство, мед, прополис, матичен млеч, кој директно безбедно се вдишуваат преку специјални инхалатори во специјализиран објект, наречен апи-комора. Понатаму апи-терапискиот центар би имал во својата понуда, третман на убоди од пчели, мали куќички полни со пчелин воздух за преспивање на пациентите и апи-велнес услуги, кои би вклучувале масажа на телото со мед, млеко и етерични масла, како и вендузи терапија.

Во 2022 година, на 10-ти јули, ја отвораат вратата на апи-комората, првата фаза од апи-центарот, каде што имаат 3 инхалаторни станици и капацитет од 3-ца пациенти истовремено да се инхалираат. Имено, апи-терапискиот центар го носи името на неговиот дедо, Ристо Алчинов, кој починал во јануари 2022 година, на 91 годишна возраст.

Пчеларска Фарма АЛЧИНОВ, располага со вкупно 5 пчеларници, 2 стационарни и 3 селидбени, 1 оплодна станица за пчелни матици, 1 едукативен пчеларник и апи-тераписки центар Ристо Алчинов, кој се наоѓа во Гевгелија на патот кон село Мрзенци (спорти хотел Нар), каде што и е стационирана апи-комората и honey shop.

Доколку сакате да стапите во контакт со апи центарот, кликнете ОВДЕ.