Произведувам путер од афион: Љубов од детството која сакав да ја реализирам на дело

Путер, масло, протеин и сапуни од афион се само дел од производите кои радовишанецот Робер денеска ги произведува и продава во Македонија.

Тимот на Кајак.мк ќе го посвети месец ноември на нови 20 локални херои кои своето време го посветуваат во производство на локална храна за која ви гарантираме дека досега не сте ја вкусиле. Секое наше четиво ќе го започнеме со реченицата: Македонија има многу од храна, за која ретко кој знае.

Таква храна е дефинитивно храната на Роберт, човекот кој изминатите години од животот ги посветува на преработка на семе од афион во уникатни специјалитети.

Со афионот е растен уште како дете, неговиот живот започнува во Радовиш на нивите преполни со афион кои неговото семејство ги одгледува, а вели дека се уште ги чува старите направи на кои неговите баба и дедо ‘кцале семе од афион. Направата тој ја нарекува „Дибек за ‘кцање афион“, која сега му претставува водилка кон една нова успешна гастрономска приказна.

Љубовта кон афионот ја добива во седумдесеттите години кога имал прилика да го научи занаетот, но денеска истата таа љубов, прераснува во еден бренд за кое производство се користи современа технологија при преработка на семето од афион. Во производството е заедно со неговиот син, на кој успеал да му го пренесе занаетот.

Веќе втора година по ред, Роберт врши едукација на неговите муштерии кои ги купуваат производите, се со цел да им ја укаже здравствената придобивка од маслото, путерот, протеинот и сапунот од афион.

За путерот од афион, Роберт вели дека е предобро да ви започне денот со една лажичка чист и природен путер без никаква мешавина. Самиот тој додава дека секој заинтересиран може да присуствува во процесот на производство на путерот и да биде сведок за здравите состојки кои се користат при производство, како и чистотата на природните намирници кои ги соодржат производите.

Неговата работилница се наоѓа во скопско Радишани, каде меѓу другото, Роберт е љубител и колекционер на разни историски предмети, што му даваат еден поиканов изглед да целиот просотор.

Продажбата на производите се врши со достава, а во иднина ќе бидат достапни и во бакалницата на Кајак.мк.

За да го контактирате Роберт, може да се јавите на 071361123