Нашата мала семејна винарија има добиено повеќе златни медали што ни дава дополнителна мотивација

Во Кајак.мк имаме една изрека која постојано ја користиме, а таа е дека малите винарии се иднината и душата на македонското вино. Особено ако се земе фактот дека при производство на виното е вложено многу труд, љубов и грижа за секое шише вино да ја добие својата автентичност и секое шише да ја раскаже приказната за трудот посветен на виновите насади.

Во бакалницата на Кајак.мк може да се најдат многу мали семејни винарии, чии вина вреди да ги нарачате и дегустирате. Секое купено шише вино значи поддршка и мотивација на винариите да продолжат со нивниот вложување во квалитетно вино кое еден ден ќе биде амбасадор на Македонија.

• Денеска ќе ве запознаеме со „Винарија Бошков“ чии сорти вино можете да ги нарачате со еден клик ОВДЕ.

Разговаравме со Горан, човекот кој стои позади брендот „Бошков“, а кој за Кајак.мк ги раскажа почетоците на винаријата која е официјално регистрирана во 2021 година.

Горан вели дека денеска произведуваат вино од сортите Темјаника, Вранец, Смедеревка, Р’кацител, за кои вели дека е тешко да се каже кое вино ги прави најмногу горди, но истакнува дека на последниот натпревар на млади вина, нивната Смедеревка добива злато, Вранецот сребро, а Темјаниката бронзен медал.

Македонската плодна почва им овозможила да произведуваат квалитетно грозје, вели Горан. Особено Тиквешки регион кој е синоним за производство на најквалитетното грозје и вино. Традиција во фамилија Бошкови ја пренесуваат на 4 генерации, а веќе петтата генерација од мали нозе се обучува за тоа како да произведе добро вино, маџун, ракија и мастика.

Денеска, семејна винарија Бошков има капацитет на производство до 4000 литри вино кој во иднина имаат планови да го зголемат.

Вина кои ги произведуваат се : Темјаника, Вранец, Р`кацител, Смедеревка и Розе Куве. Сето вино е произведено од сопствени лозови насади кои се наоѓаат на неколку микролокалитети низ Тиквешијата. Дел се во атарот на село Камен Дол, дел во село Сирково и најголем дел во атарот на село Мрзен Ораовец од каде и потекнуваат предците на фамилијата. Вкупната површина под лозови насади изнесува 5 хектари. Со многу внимание, труд и љубов ја пренесуваат традицијата на најмладите кои се 5 –та генерација. Како мала винарија имаат свои визии и планови за понатамошен развој како на виновите насади така и на семејна винарија.

Доколку сакате да нарачате од виното на винарија Бошков, кликнете ОВДЕ.