Престојувајте во Конак на 1050 метри надморска височина

Од денеска базата на Кајак.мк се проширува со уште едно сместување на конак кој е на надморска висина од 1050 метри. Нашиот тим ве запознава со домаќинката Елена која ги отвори своите врати за нашите туристи во нејзиниот конак кој се наоѓа на планината Враца, на шарпланинскиот масив, непосредно до Долно Јеловце.

Во склоп на конакот има и ресторан кој нуди прекрасен поглед кон гостиварската котлина и кон градот Гостивар кој е на 10 километри од конакот. Конакот е на идеална позиција, бидејќи може лесно да се посети со кола. Оддалечен е на 7 километри од регионалниот пат Скопје- Охрид.

Областа е доста атрактивна поради опкруженоста од густа шума. Доколку залутате низ шумата на кратка прошетка, може да се сретнете со клукајдрвец, да се измиете или напиете планиска свежа вода, вели Елена. Воедно нејзина препорака е да го искачите врвот „Рамен Камен“. Околината според Елена, е идеална и за собирање чај или шумски овошје во зависнот од периодот.

Ни доаѓаат топли денови, па затоа сакаме да потенцираме дека собите во конакот се доста ладни и во најжешките месеци. Елена вели дека во моментот располагаат со две соби, а останатите три се во фаза на реновирање.

Доколку сакате повеќе информации за сместувањето, цени и фотографии, кликнете ОВДЕ.