Националниот парк Пелистер, едно од најубавите природни богатства на Македонија, е дом на некои од највпечатливите природни феномени. Карктеристични за овој парк се моликата – уникатен вид на бели борови, мистичните камени реки-морени, кристално чистите извори на планинска вода и, секако, прекрасните Големо и Мало езеро, познати како Очите на Пелистер. Оваа тура нуди исклучителна можност за љубителите на природата да се потопат во магијата на оваа планинска област и да уживаат во нејзините неверојатни пејзажи.

Турата започнува на 1170 метри надморска височина, во срцето на планината, и води низ многу живописни патеки што ви овозможуваат да уживате во магичната природа. По околу 3-3,5 часа пешачење, ќе стигнете до Големото езеро, сместено на 2218 метри, каде ќе имате време да се одморите и да уживате во непрекинатата убавина што го опкружува езерото. Големото езеро е едно од најпознатите природни чуда во Македонија, обиколено со високи планински врвови и густи шуми, создавајќи една од најпознатите и најфотогеничните локации во Националниот парк Пелистер.

Турата е предизвик за љубителите на природа и авантура, но не претставува премногу тешка задача, бидејќи е со средна тешкотија. Идеална е за оние кои сакаат да се поврзат со природата и да се опуштат во мирот што го нуди планината.

Детали за турата:

• Должина на турата (од и до): 12 км
• Времетраење: 7-7,5 часа
• Почетна точка: 1170 м надморска височина
• Завршна точка: 2218 м надморска височина
• Тешкотија на турата: Средна

Не пропуштајте ја шансата да го искусите Пелистер и да се запознаете со неговите природни убавини кои ќе ве остават без здив.