15.02.2021 21:53

Од мал со љубов кон лозјата, а денес сопственик на семејна винарија

Македонските лозари од 14-ти февруари официјално ја започнуваат работата на лозовите насади. На овој ден се слави православниот празник „Св. Трифун“ денот кога сите лозари ги посетуваат своите лозови насади, читаат молитва, ги закројуваат првите лозници и со полевање на вино врз закројуваните лозници го означуваат почетокот на новата берба, а со тоа и стартот на активностите во лозарството.


Во Македонија се верува дека ваквиот религиозен акт ќе донесе повеќе род и поквалитетно грозје, а од друга страна пак, лозарите на овој начин ја почитуваат својата традиција.

 Лозарството и винарството се втора доходовна земјоделска гранка во Македонија. Оттука македонските лозари водат грижа да бидат рамо до рамо со светските производители и да применуваат софистицирани начини на одгледување на лозјето.

Нашиот тим ве запознава со Блаже Миневски, млад винар кој уште од мали нозе учи за лозарството, а денеска има своја винарија. Блаже започнува како ученик на својот дедо и од сопствените ниви, а продолжува како сопственик на винаријата „Бади“ која е сместена во Кавадарци. Овој град е во срцето на Тиквешкиот регион- најголемиот винарски и лозарски регион во Македонија и во цела Југоисточна Европа.

Миневски вели дека традицијата и обичаите ги почитуваат сите во регионот. Традицијата налага  сите фамилии да имаат лозови насади и да произведуваат грозје и вино за сопствени потреби и дел да го продаваат на големите винарии.

Работата на нива ја учи од сопствениот дедо и татко уште од многу мал. Вели дека уште во своите средношколски денови знае што сака да работи во животот, а кога веќе е едуциран отвара своја винарија и ги продолжува традиционалните и семејни вредности.

Тој заедно со неговата фамилија се решава да оди една скала погоре и да започне да произведува вино, вињак и производи од грозје како што е надалеку прочуениот тиквешки маџун кој се смета за природен лек и засладувач од непрскано грозје, без додадени конзерванси, адитиви и шеќери.

За него виното како што тој знае да го нарече „Пијалок на боговите“ отсекогаш ќе остане нешто на кое ќе се фокусира целиот живот за да постигне што е можно подобар квалитет и постојано да се надминува себеси.

Тиквешкиот регион во Македонија има огромен потенцијал како вински регион. Лозницата како едно од најиздржливите растенија овде ги има во изобилие, па затоа и самиот регион е еден од најуспешните на Балканот.

Миневски додава дека странските туристи се негови редовни посетители. Тие се многу љубопитни и се интересираат за лозарството во Тиквешкиот регион. Тие се фасцинирани од убавините на нашето поднебје, посетата на лозјата, кампувањето на лозовите насади, пикник дегустациите на самите лозја и уживањето во самата природа.

За него најважно до се е да се развива руралниот, етно и вински туризам, градење на капацитети, замоци и хотели на самите лозови насади, каде гостите ќе може да уживаат во недопрената природа.

Бутик винаријата Бади располага со сала за дегустација со капацитет од 20 гости (по Ковид протокол до 8 гости), нуди пакети за дегустација и впарувања со храна и вино со сомелиер, пикник дегустации на лозовите насади и комбинирани настани во природа. Повеќе информации за винаријата можете да најдете со еден клик ОВДЕ

 

Прочитајте повеќе

Животот ме научи да се пронајдам како туристички водич во Охрид

Пролета не е пролет ако не го посетите Охрид. Март е месецот кога се најавува новата сезона и кога сонцето се повеќе привлекува туристи во градот.

Резервирајте шармантна традиционална македонска куќа со поглед кон Радика

Во селото Јанче, со векови наназад, традиционалните македонски куќи се реновираат од страна на локалното население, користејќи локални камења, дрва и еспертиза од локалните стари чувари на тајната за шармот на куќата.

Кампуваме низ цела Македонија, секој авантурист може да ни се придружи

Пролетта ни тропа на врата, југот на Македонија веќе е прилично зелен, а желбата да се скокне во вода се повеќе расте. Март е месец на двоумење! Дали утре ќе падне нов снег или ќе блесне јако сонце. Но како и да е, Македонија започна да се буди од зимскиот сон.

Нашиот еколошки пчеларник е доказ дека Македонија е навистина медена земја

Време е да почнеме да размислуваме околу пролетните патувања. Многу наскоро ќе се пробуди животионскиот свет во Македонија, а со тоа се пробудува и нашата желба за активно патување.

Вила на Пониква за луѓето кои “мразат“ луѓе

Има патници кои бараат начин како да одморат глава од луѓе. Таквите барања тимот на Кајак.мк ги разбира бидејќи знаеме колку е важно патувањето во намалувањето на стресот и колку секој чека да отпатува некаде за да го искористи своето слободно време.

Започнавме со една икона за подарок, а сега имаме огромен број резбарски дела

Кога сме кај туристичките приказни од луѓето кои прават мали нешта со огромно значење во развојот на туризмот, тимот на Кајак.мк се одлучи месец Март да го посвети на жените хероини кои творат во Македонија.