08.02.2021 01:14

Изнајмете ја ова вила на Пониква која е изолирана во густа шума од ариш

Секоја шума има своја предност, а сигурни сме дека многумина од вас се уште немаат слушнато за шума од Ариш? Ариш е дрво кое расте во Македонија, а Пониква е позната по ова. Во Македонија аришот е доведен во 1950-тите и e застапен со два вида: европски ариш и јапонски ариш. 


Нашата база со приватни сместувања се надополнува со уште една уникатна вила на Пашаџиково, Пониква. Вилата „Осоговски Ариш“ го носи името од истоименото дрво, за кои дрва сопствениците ни раскажуваат дека создаваат природна бања поради идеалната надморска височина од 1200 метри. 

Опколена со Аришова шума, ова вила е уште една одлична опција за луѓето кои работната недела им е исполнета со турбуленции, па за викенд бараат катче каде ќе може да „одморат глава“.

Вилата „Осоговски Ариш“ располага со три спалани соби, две купатила, дневен престој и прекрасен двор. Вилата има камин на дрва во дневниот престој, а спалните соби се опремени со електрични панели.

Во вилата може да се сместат до 10 лица. Опремена е со чисти пешкири, прекривки и навлаки. Подигнувањето на клучот е од локацијата која ќе се договорите со сопствениците. 


Градот Кочани се наоѓа на 13 километри од вилата. Пониква е плус причина поради која треба да престојувате во овој регион. Покрај чистиот воздух Пониква нуди и ред други можности за уживање и релаксација.
Тука се мисли пред сѐ на пешачките патеки, 16 километарските долги патеки за пешачење кои водат до највисокиот врв во овој регион - „Царев врв”, скијачките терени кои во последно време стануваат многу популарни како поради одличните ски патеки и лесно достапните терени за почетниците кои се уште учат да скијат.

Прочитајте повеќе

Започнавме со една икона за подарок, а сега имаме огромен број резбарски дела

Кога сме кај туристичките приказни од луѓето кои прават мали нешта со огромно значење во развојот на туризмот, тимот на Кајак.мк се одлучи месец Март да го посвети на жените хероини кои творат во Македонија.

Животот ме научи да се пронајдам како туристички водич во Охрид

Пролета не е пролет ако не го посетите Охрид. Март е месецот кога се најавува новата сезона и кога сонцето се повеќе привлекува туристи во градот.

Резервирајте шармантна традиционална македонска куќа со поглед кон Радика

Во селото Јанче, со векови наназад, традиционалните македонски куќи се реновираат од страна на локалното население, користејќи локални камења, дрва и еспертиза од локалните стари чувари на тајната за шармот на куќата.

Нашиот еколошки пчеларник е доказ дека Македонија е навистина медена земја

Време е да почнеме да размислуваме околу пролетните патувања. Многу наскоро ќе се пробуди животионскиот свет во Македонија, а со тоа се пробудува и нашата желба за активно патување.

Кампуваме низ цела Македонија, секој авантурист може да ни се придружи

Пролетта ни тропа на врата, југот на Македонија веќе е прилично зелен, а желбата да се скокне во вода се повеќе расте. Март е месец на двоумење! Дали утре ќе падне нов снег или ќе блесне јако сонце. Но како и да е, Македонија започна да се буди од зимскиот сон.

Вила на Пониква за луѓето кои “мразат“ луѓе

Има патници кои бараат начин како да одморат глава од луѓе. Таквите барања тимот на Кајак.мк ги разбира бидејќи знаеме колку е важно патувањето во намалувањето на стресот и колку секој чека да отпатува некаде за да го искористи своето слободно време.