18.10.2024

Запознајте го македонецот Михаил: Човекот кој го произведува најдобриот македонски џин

Запознајте го македонецот Михаил: Човекот кој го произведува најдобриот македонски џин

Ако на платформата на Кајак.мк можете да најдете милион позитивни приказни за локалните мештани во Македонија, оваа приказна дефинитивно ќе ви прерасне во една од омилените, земајќи го фактот дека раскажуваме за млад човек кој своите амбиции ги остварува со голема љубов и посветеност кон работата.

Денеска ве водиме во градчето Виница, каде во неговото срце, со полна пареа работи дестилеријата на Михаил Трајков, човекот за кого неговите блиски велат дека е иновативна личност која постојано се впушта во нови предизвици и проекти.

Михаил е дипломиран градежен инженер, со специјализација во челични конструкции. Неговата главна професија е поврзана со работата со челик, што некако дирекно се поврзува со македонскиот џин „Welders“.


За оние коишто за првпат се соочуваат со називот на пијалакот „Welders“, треба да имаат до знаење дека токму овој џин, се произведува во Македонија, а истиот е резултат на макотрпната работа и годините кои Михаил ги посветува за да го добие совршениот вкус.

Михаил го започнал своето патување во производство на џин во 2019-та година. Првата тура ја произведува со старински казан кој е во сопственост на неговото семејството со генерации. Резултатите кои биле доволно добри, го поттикнале да продолжи во усовршувањето на овој занает и да работи на недостатоците.


Резултатите од првото производство го поттикнуваат Михаил да инвестира во современ „колона“ казан од 300 литри, првично со шест bubble plates, кој подоцна беше надграден на шеснаесет за подобро прочистување.

На прашањето на Кајак.мк, од каде идејата за производство на џин, Михаил ни одговори дека пред сѐ станува збор за семејна љубов кон џинот, а потоа и желба да создаде уникатен пијалок кој ќе ја одразува неговата страст за квалитет и вкус.

На почетокот, Михаил вели дека самиот процес бил многу трудо интензивен, па затоа со пoмош на пријатели изградил домашен резервоар за мешање на кашата, што го олеснила физичкиот дел од работата и му овозможила да се фокусира повеќе на развојот на вкусот на џинот.


Секој процес се увршува преку проба и грешка

Михаил нема формално образование за дестилација и производство на џин. Во денешниот свет, обилството на информации на интернет му овозможиле да ги усоврши своите вештини со секоја нова тура. Неговиот пристап е насочен кон трпение, постојано учење и посветеност за подобрување на квалитетот на џинот.


Посветеноста носи зголемено производство и успех

Денеска, Михаил може да се пофали со зголемено производство на џин, со поголем капацитет и оптимизиран процес. Џинот се произведува сезонски, користејќи висококвалитетни состојки. Првичната база од локално мелена пченица, е заменета или надополнета со комбинации до македонско грозје за дополнителна поврзаност со македонската традиција. Мешавината на ботаници вклучува смрека (20-25% од кошницата на џинот), коријандер, кардамон, ангелика корен, ирис корен, камилица, боздел, мeдуника, кора од лимон и портокал, сладок корен, линцура и други ароматични билки. Свежата планинска вода од селото Блатец додава посебна нота на конечниот производ.

Во моментот, Welders Gin нуди само еден производ – современ џин со понизок профил на смрека во споредба со традиционалните London Dry џинови. Во иднина, можеби ќе има планови за проширување на асортиманот со различни сорти.

Цената на шише од 700ml Welders Gin е 900 денари. Доставата е бесплатна за нарачки од повеќе од пет шишиња, додека за помали нарачки се наплаќа дополнително за карго достава.

Доколку сте група која патува во Виница, можете да резервирате дегустација на џин. Опцијата за резервација ја имате со еден клик ОВДЕ.

Остави Коментар

Прочитајте повеќе

Во Македонија постои една уникатна вила скриена во село Ореовец

Во самото село од денеска можете да резервирате уникатна вила со квалитетен ентериер, која ќе ве овозможи бегство од градскиот метежот.

Во Македонија се отвори првата јапонска градина во која можете да престојувате

Денеска, ве водиме во село Довезенце, каде на прекрасна локација со површина од над 400 метри квадратни има ново уреден простор кој за разлика од досегашните наши дестинации е поразличен по своето уредување.

Баба Благица ни пренесе занает кој денес ни ја полни душата

Македонски народни носии. Работилница во Скопје која го чува и негува македонскиот мелос.

Во Македонија има отцепена планинска куќичка во која престојот е уникатен

За сите љубители на ваквиот „Повик на дивината“, можеме да ви потврдиме дека ова сместување ќе ви овозможи еден поразличен викенд, ќе ве ги наполни батериите и ќе ве оттргне од сите хаотични збиднувања во земјата и светот.

Со мојот син отворивме фарма за магарици во село Виничани

Млекото од магарица на фармата на Тео, нова атракција во центарот на Македонија.

Нова планинска АТВ тура за истражување на Јакупица

Еј друштво! Ни доаѓа пролет! Топло време, сонце, кратки ракави, живот! Во пресрет на топлите месеци, тимот на Кајак.мк активно работи на промоција на нови авантури кои можете да ги резервирате за вас, вашето семејство, пријатели или колеги од работа!