22.04.2024

Во Македонија постои Плевна која ги нагостува сите со домашна локална храна

Во Македонија постои Плевна која ги нагостува сите со домашна локална храна

Ако низ цел западен свет се бара начин како да се врати локалната, здрава и традиционална храна на трпеза, кај нас во Македонија, тоа за среќа ни е доста сочувано. Каде и да скршнете низ земјава, ќе наидете на угостителства и домаќинства кои го почитуваат домашната, локална и традиционална кујна.


Фотографија: Јане Јосифовски

Денеска, тимот на Кајак.мк ве води на 1100 метри надморска височина во село Куратица, каде своите врати за светот на Кајак.мк ги отворија домаќините Ивана и Горан, за нас нови локални херои кои вешто ја користат македонската плодна почва за обработка и подготовка на разни традиционални специјалитети.


Етно домаќинството „Плевна“, водено од семејството Мицкоски, не е само место каде што може да се одморите од секојдневните обврски, туку е простор каде што секој посетител станува дел од заедницата и животот на село.


Од 2011 година, Ивана и Горан Мицкоски започнуваат со подготовка на разни специјалитети наменети за гости од целиот свет, нудејќи им уникатен увид во автентичниот живот на село. Во „Плевна“, секој гостин е поканет не само да вкуси, туку и да учествува во приготвувањето на традиционални македонски јадења. Ова дава можност за вистинско искуство на учење и размена на културни вредности.

Ние би рекле: Мотивација од Срцето на Куратица и едно поразлично искуство, кое покрај храна, нуди и разни тури во околината.

„Плевна“ не е само локална храна, туку и живот исполнет со љубов кон природата и споделување на културно богатство. Возбудливите активности како пешачење со магариња и интеракција со локалното население обезбедуваат автентично искуство кое останува засекогаш во срцата и умовите на туристите.

Овде има разни патеки кои водат до локации од каде се нуди прекрасен поглед кон Охридското Езеро. Домаќините организираат планинарски и лесни пешачки тури. По секоја тура, групата ја очекува богата трпеза, со разни салати, макала, предјадења и главни јадења.


Срцето на домаќинството, котлето на отворен оган, е централно место за собирање и делење приказни. Секој гостин може да се вклучи во готвењето, од подготовка на домашен леб, до приготвување на свежа мешана салата со продукти земени директно од градината.

Културниот туризам во „Плевна“ е повеќе од одмор; тоа е шанса за поново откривање на традиционалните вредности што сè уште живеат силно во срцата на оние кои ги чуваат. Посетата во Куратица и домаќинството „Плевна“ е потсетник дека во едноставноста на селскиот живот се кријат најголемите училишта на човечноста и заедништвото.

Тимот на Кајак.мк започнува со органзиирање на гастро искуства во Плевна, доколку сакате да искусите една поразлична тура, испратете ни барање со еден клик ОВДЕ.

Остави Коментар

Прочитајте повеќе

Новата генерација домаќини – младите што ја оживуваат Македонија

Младите домаќини во Македонија не градат само куќи за гости – тие создаваат автентични искуства што ја оживуваат руралната земја и туризмот. Откриј како нивната страст и посветеност го менуваат лицето на туризмот во нашата земја.

Дали некогаш сте слушнале за Опеница? Уникатно гастрономско искуство во XO Distillery & Farm

XO Distillery & Farm во Опеница нуди уникатно гастрономско искуство со домашна ракија и локална храна, во автентичен амбиент исполнет со македонска традиција.

Предлог викенд дестинација: Дрвени куќички со топло огниште и приватност

Идеален викенд во природа! Истражете дрвени куќички со камин, топло огниште и приватност за релаксација, пешачење и автентично планинско искуство.

Културен туризам во Македонија: инспирација за денови со дожд и облаци

Откријте што да правите кога врне дожд во Македонија. Посетете музеи, спомен-куќи, работилници со занаетчии и кулинарски искуства кои ја чуваат традицијата.

Маврово Национален Парк – природното богатство на Македонија што ја освојува 2025 година

Откријте зошто Маврово Национален Парк е една од најпосетуваните дестинации во Македонија. Од Мавровското Езеро и врвот Кораб до скијање, планинарење и автентична култура – доживејте ја природата низ сите сезони.

Културните настани во Македонија – потенцијал и влијание врз туризмот

Откријте како културните настани во Македонија ја обликуваат туристичката понуда, нудат автентични доживувања и го зголемуваат потенцијалот на културниот туризам.