Во Македонија има село кое е вистински рај за гурмани

Нависнато над Охридското Езеро и на 1100 метри надморска височина се наоѓа прекрасното селце Горно Коњско. Одалечноста од 11 километри од центарот на градот Охрид го прави ова селце да биде вистински спокој за многу туристи.

За дел од патувачите, Горно Коњско важи за една од подобрите гастро дестинации, земајќи го фактот дека овде може да најдете угостителски објекти кои се уште ја почитуваат традиционалната подготовка на квалитетна локална храна.

Тимот на Кајак.мк неодамна раскажа за „Тераса Утарна“, „Пирустија Неданоски“, „Bella Casa“ и многу други, а денеска ќе ве прошета до комплекс Минами, кој стациониран на надморска височина од 1100 метри крои квалитетна гастро приказна.

Оние кои веќе го посетиле оваа место со сигурност ќе се согласат дека храната овде има врвен квалитет и одличен вкус. Чистиот планински воздух, пространите ливади, звукот на птиците и прекрасниот панорамски поглед се јаготката на шлагот која ја добиваат гостите.

Ресторанот има капацитет за 100 гости, а наша препорака е да го посетите во време кога нема национални празници и надвор од екот на сезоната, како би можеле да уживате во задоволството.

Повеќе фотографии, контакт за резервација како и точна локација можете да најдете со еден клик ОВДЕ.