25.09.2024

Љубовта кон Македонија ме поттикна да останам дома и да се посветам на квалитетното вино

Љубовта кон Македонија ме поттикна да останам дома и да се посветам на квалитетното вино

Тимот на Кајак.мк продолжува со раскажување на приказните на локалните херои во Македонија, кој создаваат мали нешта од огромно значење за развојот на туризмот. Ако нам нѐ прашате околу тоа како да го подобриме туризмот во земјата, ние дефинитивно би рекле дека треба да ги вклучиме ваквите луѓе во сите приказни за промоција на Македонија надвор од нашите граници.


Денеска, ве водиме во село Пепелиште, каде на само 2,5 километри од автопатот се наоѓа прекрасната винарија „Dane Hermes“ која во моментот ја има една од најубавите сали за дегустација на квалитетно македонско вино.

Семејната винарија Dane Hermes Wine Estate постои од 2020-та година и важи за една од првите регистрирани семејни винарии во Македонија. Позади неа, т.е. нејзниниот основач е еден од најпознатите македонски енолози и доктор по енологија (единствен во моментов кој се занимава со активно производство на вино) Др. Дане Јованов, кој своето долгогодишно искуство од преку 22 берби го стекнува прво во винарија Бовин. По Бовин, неговата кариера продолжува во градењето на винаријата Стоби од Градско, а својата карирера со работа во други винарии ја завршува во словенечката винарија Пуклавец Фемили Вајнс, каде прво ја води нивната винарија во Македонија, а подоцна станува член на УО на винаријата во Словенија и Директор за производство на целокупниот систем од три винарии.


По долгодишното искуство, Јованов одлучува да отпочне нова и сопствена приказна

Како дете кое потекнува од семејство на енолози, неговиот покоен татко Ѓорѓи Јованов – Хермес е еден од основачите на приватната винска индустрија, кој заедно со сопственикот на Бовин во 1999 година, ја започнуваат приказната на приватните винарии и политиката на квалитет наспрема квантитет.


Фотографии од меѓународно оценување на вина, каде како есперт Дане е претседател на комисии во Германија.

Дане за Кајак.мк раскажува дека минатата година требало да донесе одлука дали да се пресели со семејството во Словенија и да го води целокупниот словенечки ситем на винарии на Пуклавец Фемили Вајнс холдингот или пак да остане во Македонија.


Големата љубов кон Македонија го натерала да остане овде и да ја продолжи генерациската традиција на производство на врвни вина од Македонија, но овој пат со 100% лична сопственост.

Трудот и заложбата на Дане Јованов денеска резултираат со годишно производство на 30.000 шишиња со врвен квалитет, односно по околу 3.000-4.000 шишиња по етикета. Со ова, како што вели Јованов, се гарантира квалитет на секое шише. Производствениот програм во моментот се сости од популарното Мерло, Вранец, Пинот Ноар, Пино Гринџо, Олја розе од сортата Сирах и Темјаника, а во иднина во план е да започне со полнење на Каберне Совињон и бленд од Вранец, Мерло и К. Совињон.


Јованов е особено горд се сопствените лозови насади кои се на површина од 25 хектари и кои се наоѓаат на една од најдобрите микролокации во Тиквешкото виногорје, а тоа е микро локалитетот Лепово. Тоа значи дека целокупното производство се базира на сопствените лозови насади и дека се води строга контрола од самиот почеток на кроење на лозовите насади па се до берба. По самата берба со добри енолошки пракси успеваат да произведат врвни тероар вина на кои е означено од каде потекнуваат

Отсега можете да резервирате дегустација на вината во винарија Хермес. За повеќе инфо, кликнете ОВДЕ.


Винаријата ја има една од поубавите сали за дегустација во државата, со капацитет за околу 24-30 лица. Неодамна во винаријата гостин беше и Петар Грашо, од кого Дане ни ги сподели фотографиите. Доколку сакате да ги погледнете цените и испратите барање за резервација на дегустација, кликнете ОВДЕ.

Остави Коментар

Прочитајте повеќе

Викендица со џакузи и со прекрасен двор и поглед

Непосредно до викендицата се наоѓа патека за пешачење кон езерото, а овде има и кошаркарски терен и справи за тренирање за сите спортисти.

Во Валандовскиот крај се развива нова туристичка гастрономска приказна

Денеска ве водиме во срцето на валандовскиот регион, поточно во село Пирава, каде климата е медитеранска, а почвата плодна за создавање гастрономски ремек дела.

Изнајмуваме нови модерни кампери: Нова авантура низ Македонија

Изнајмете Кампер! Истражувајте ја Македонија на еден поразличен начин!

Рустична вила во близина на старата кумановска бања, идеална за цело друштво

Сместена во близина на старата Кумановска Бања, оваа куќичка нуди уникатна атмосфера со автентичен стил и мирна околина.

Вистински рај во Македонија: Оваа дестинација е идеална за приватни седенки со вашите сакани

Кајак.мк не промовира само туризам, туку промовира и начин на живеење. Нашите сместувања и дестинации не се наменети за прослава, алкохол, гласна музика, туку се наменети за поминување квалитетно време во природа каде ќе бидете изолирани од секојдневниот хаос и стрес.

Во Македонија има вила со базен изолирана во борова шума

Вилата е изградена во автентичен планински стил, нова градба која ви нуди исклучителна приватност и уживање покрај отворениот базен.