13.09.2021

Хендикепот не ме спречи да бидам професионален пчелар

Хендикепот не ме спречи да бидам професионален пчелар

Дека во Македонија се уште има луѓе кои се посветуваат на здравиот начин на исхрана раскажува приказната на Тито од село Псача кое се наоѓа во околината на Ранковце.

Ова село е најпознато по значајниот средновековен Псачки манастир, кој е сместен во дабовата шума. Селото се наоѓа на левиот брег на Крива Река, во северното подножје на Осоговските Планини. Псача било големо македонско село за време на османлиското владеење, а недалеку од селото има отцепено маало кое го нарекуваат „Чавдарско маало“, што на турски значи рж.


foto: Petrovskyz

Во ова маало живее господинот Тито кој заедно со неговата сопруга Верка претставуваат едно од четирите семејства кои живат овде.

Неговото маало се наоѓа на 714 метри надморска височина, а како што вели тој, идеална висина за одгледување пчели и производство на мед.

Тито е лице со инвалидитет. Поради сообраќајната незгода која ја имал во минатото, не е во можност да извршува работни обврски со неговата лева рака. Но како што вели тој, инвалидитетот не го спречил да се вложи во пчеларството и да изгради 80 сандаци со пчели од кои ќе произведува здрав и квалитетен мед за него и неговата фамилија.


Со пчеларство се занимава цели 30 години, а помош добива и од неговата сопруга за која вели дека е повеќе од професионален пчелар.

За Тито најважно од се е да произведе здрав мед со кој ќе се насладуваат неговите деца, внуци и блиски роднини. Локацијата на која се наоѓа пчеларникот му помага да произведе мед од багрем, костен, даб и ливадски мед.


Тој е претежно задоволен од неговата деликатна работа, но вели дека има и лоши години кога пчелите произведувале слаба количина мед. Најголемо влијание има климата која одредува дали годината ќе биде плодна или не.


Покрај медот, Тито вели дека честопати знае да извади прополис кој го користи за ублажување на ракијата, која е многу подобра за конзумација, а медените коцки ги сервира кога ќе го посетат неговите блиски.


Тој и неговата сопруга се заљубени во спокојот и мирот кои ги нуди селото Псача, а особено неговото отцепено горно маало за кое вели дека не би го заменил со никое друго на светот.


Тие се луѓе кои не користат интернет и социјални мрежи. Уживаат во спокојот и убавината на природата, а до неговата приказна стигнавме благодарение на Антоние кој го контактираше тимот на Кајак.мк. Ваквите приказни заслужуваат внимание, затоа чувствувајте се слободни да ги споделите приказните на луѓето кои прават мали нешта од огромно значење за Македонија. 

Остави Коментар

Прочитајте повеќе

Нови и модерни апартмани во срцето на Скопје

Секој апартман е проектиран со цел да обезбеди максимален комфорт и интимност, опремен со дневна соба, кујна, трапезарија, две спални соби, два тоалети и две тераси, идеални за одмор и уживање.

Нов планински бунгалов на 1200 метри височина достапно за резервации

Сместен на магична надморска височина од 1200 метри, во срцето на недопрената природа која го бакнува Беровското езеро, се отвори уште еден нов бунгалов идеален за еден пар кој сака да ужива во приватноста и спокојот.

Резервирајте ја планинската дрвена куќичка во која никој нема да ве најде

Тимот на Кајак.мк постојано ја надополнува својата база на приватни сместувања со нови уникатни скривалишта за луѓе кои сакаат да одморат глава од напорната работа, од гужвата и хаосот.

Апартман во Берово достапен за секого

Тимот на Кајак.мк ве информира дека од денеска во нашата база на приватни сместувања ни се приклучува уште еден апартман кој може да си го дозволи сечиј џеб.

Запознајте ја стружанката Сара: Младата девојка која изработува накит од овча волна

Материјалите што ги користи Сара се од највисок квалитет и се природни. Овчата волна ја припрема сама, од перењето и чистењето до влачењето и боењето.

Изнајмете вила со приватен базен во Кучково преку Кајак.мк

Уште едно ново сместување со базен за оние кои сакаат да имаат апсолутна приватност!