Дрвена скриена колибка со базен и опколена со шума

Веќе подолго време дрвената куќарка на нашиот домаќин Саше ги пишува своите спомени со гостите кои ја посетуваат. Домаќините на „Зердин Дуб“ имаат фантастични идеи за тоа како да им го исполнат времето на гостите со многу забава и активности.

За престојниот период вилата има монтажен базен кој им е достапен на гостите, а домаќините се овде да им направат уникатен појадок, ручек или вечера на отворено за своите гости. Самата вила има скара на отворено која може да се користи во текот на целата година, а она што е битно да го потенцираме е дворното место организирано за „Fire Pit“ седенки. Звучи симпатично, нели?

Многу од гостите кои престојувале овде ни раскажуваат дека Саше е вистински мајстор кога станува збор за приготвување храна. Ова значи дека сместувањето не е нуди само престој и базен, туку нуди и едно поинакво гастрономско искуство.

Околината е прекрасна. Вилата е опколена со густа шума. Таа се наоѓа во општина Ранковце, недалеку од Крива река и недалеку од локални селски куќи од каде може да се набават домашни производи за подготовка на специјалитети.

Околината во која што е Зердин Дуб е доста атрактивна за посета. Овде е Џемендере водопадот кој е на 2 километри од сместувањето, вулканот Стрковец (За кој ќе ви раскажеме збор два повеќе), старата црква Св. Никола која е на еден час пешачење од куќата. Што се однесува до гастрономското искуство во регионот овде е етно ресторанот Ранч кој е на 7 километри, Парк Гиновци рибник, а гостите имаат и опција за јавање коњи во околината.

Повеќе информации за резервации ќе најдете со еден клик ОВДЕ.