Гастро дестинација на 800 мнв со базен и поглед кон Црн Дрим

Уште една уникатна гастро дестинација за која сигурно досега не сте слушнале. Тимот на Кајак.мк ве води во село Лабуништа, каде на 800 метри надморска височина се наоѓа ресторанот Скорпион.

Со простран двор изграден од камен, опколен со шума и базен за разладување, домаќинот Исејн кој ни ги отвори вратите за светот на Кајак.мк вели дека во моментот се работи и на изградба на 6 нови бунгалови за престој.

Во моментот во функција е ресторанот, базенот како и еден апартман за 2 лица кој е опремен со посебно купатило, тоалет и има Wi-Fi.

За оние кои ќе се одлучат да ја посетат ова гастро дестинација, тимот на Кајак.мк ги советува да вкусат специјалитет од јагнешко во фурна, телешко во фурна, локална риба и диво месо во тава.

Ресторанот има капацитет за 250 лица во затворениот дел и 150 лица во отворениот простор.

Повеќе информации за точна локација, како и контакт за резервација можете да најдете со еден клик ОВДЕ.