Од долгогодишна идеја до ресторан во срцето на Берово: приказната за „Антико“

На плоштадот „Димитар Беровски“, во самиот центар на градот, се наоѓа ресторанот „Антико“ — место каде што домашните вкусови, внимателно уредениот ентериер и беровското гостопримство се спојуваат во едно пријатно доживување.

Приказната за „Антико“ започнува со идеја што долго созрева во Гоце и Виктор и нивните семејства: да создадат свое место во Берово. За да ја претворат замислата во реалност, им е потребен соодветен простор.

„Идејата да создадеме свое место во Берово созреваше во нас долги години, но постојано недостасуваше најважниот дел — соодветен простор во кој целосно би можеле да ја реализираме нашата замисла“, раскажуваат Гоце и Виктор.

Вистинскиот простор го наоѓаат на плоштадот „Димитар Беровски“, во самиот центар на Берово. Со многу труд, посветеност и љубов го уредуваат и му даваат нов лик. Така нивната идеја станува „Антико“ — ресторан замислен како спој на добра храна и срдечно гостопримство.

За Гоце и Виктор, посетата на „Антико“ треба да биде повеќе од оброк. Целта е гостите уште од првиот момент да се почувствуваат добредојдени и опуштени, а од ресторанот да понесат убаво расположение и спомен на кој ќе му се навратат.

„За нас, најголем успех е кога гостинот си заминува со убаво расположение, прекрасен спомен и желба повторно да нè посети“, велат тие.

Менито е инспирирано од вкусовите по кои се препознатливи Берово и Малешевијата. Меѓу специјалитетите се домашното беровско овчо сирење, зелникот што се подготвува во ресторанот и сочното свинско печење. Особено место има плескавицата со кајмак — јадење што за кратко време им станува омилено на многу гости.

„Богата е, сочна и полна со вкус, и стана еден од препознатливите специјалитети на ‘Антико’“, раскажуваат Гоце и Виктор.

На домашните вкусови им се придружуваат и десертите: Бабината торта, Медената торта и чизкејкот. Секој од нив е подготвен со внимание, за оброкот да заврши со нешто слатко и домашно.

Препознатливоста на „Антико“ ја создава спојот на храната, ентериерот, пријатната атмосфера и внимателната услуга. Сето тоа, заедно со централната локација, го прави ресторанот место за средби со семејството и пријателите, но и за запознавање со вкусовите на беровскиот крај.

„Дојдете во ‘Антико’ за да го почувствувате вистинскиот вкус на Берово — прекрасна домашна храна, уникатен амбиент и гостопримство поради кое секогаш ќе сакате да се вратите“, порачуваат Гоце и Виктор.

Ресторанот „Антико“ веќе е дел од гастрономската понуда на Кајак.мк. Повеќе информации за ресторанот и неговата понуда можете да најдете на овој линк. Наскоро очекувајте и персонализирани понуди од „Антико“ на Кајак.мк.