29.08.2021
Дедино: Историското село проголтано во природа
Дедино: Историското село проголтано во природа
Еко караванот на Кајак.мк за промоција на македонските села, одлучи да направи кратка пауза во селото Дедино. Во продолжение на четивото, ќе ви пружиме дупла доза зеленико и спокој.
Македонија има села кои мора да бидат на вашата листа за посета. Меѓу многуте села, тимот на Кајак.мк избра да ви раскаже за селото Дедино, кој се наоѓа во регионот на Радовиш. Со помош на фотографиите на Мартин Илиев ќе се обидеме да ве поттикнеме да го посетите ова скромно селце кое се наоѓа на 650 метри надморска височина.
Мартин вели дека околината на селото изобилува со фантастични места на кои може да се организира еднодневен пикник, а самото село е атракција низ која вреди да се испешачете.
Селото дедино е дел од општината Кочне, а е познато како значајно место од времето на Илинденското востание, кога во него била изградена пушкарница, а добар дел од населението директно учествувало во востанието.
За селото се врзуваат неколку историски настани како што е изработувањето на првите бомби. Работилницата за рачни бомби во селото била отворена кон крајот на 1896 година, но била затворена во ноември 1897 година.
Во време на
национално-ослободителното револуционерно движење во селото Дедино отседнале и
престојувале двајцата македонски револуционери Гоце Делчев и Јане Сандански.
Имајќи предвид дека во постарите средновековни времиња, владиките се нарекувале дедо, постои можност селото Дедино да било седиште и живеалиште на некој дедо-владика по кој ова место го добива името Дедино.
Денеска, ова село ги почитува своите обичаи и норми. Она што е доста автентично за селото е фолклорната носија и фолклорното друштво кое опстојува повеќе од 40 години.
Интересна е информацијата дека ова село е најголем потрошувач на „Скопско пиво“ по глава на жител во Македонија.
Раскажи ни ја приказната за твоето село, испрати ни информации со еден клик ОВДЕ.
Блог
Препораки
Прочитајте повеќе

Празнични денови – идеални за еднодневен излет низ Македонија
Искористете ги празничните денови за еднодневен излет низ Македонија. Откријте атракции, гастрономии и идеи за авантура на kajak.mk.

Кафе културата во Македонија – автентично искуство за секој турист
Откријте ја автентичната кафе култура во Македонија. Пробајте густо турско кафе, искусете го ритуалот на подготовка на песок во Старата скопска чаршија и почувствувајте ја душата на земјата.

Дониравме 350 килограми храна за бездомни кучиња и ја реализиравме првата тура со бездомни кучиња на нашиот нов тим билдинг со Singular
Тим билдинг преку кој Дониравме 350 килограми храна за бездомни кучиња и ја реализиравме првата тура со бездомни кучиња

Есенски моменти во Градскиот парк Скопје 2025
Локалните жители и туристите ја избираат зелената оаза во центарот на Скопје за пешачка прошетка, рекреација и визуелна инспирација во есенските денови.

Винските региони на Македонија: потенцијал за викенд туризам
Истражете го потенцијалот на винските региони на Македонија за викенд туризам. Откријте како природата, културата и локалната гастрономија создаваат автентични искуства за кратки патувања.

Тим билдинг на компанијата Immomates исполнет со многу предизвици и забава
Тимот на Кајак.мк повторно покажа дека тим билдинг настаните можат да бидат искуство за паметење!