14.05.2020
Во тек се подготовки за реотворање на двата аеродроми
Во тек се подготовки за реотворање на двата аеродроми
ТАВ Македонија се подготвува за отворање на аеродромите во државава, во исчекување на точен датум и одлука од надлежните институции.
Од компанијата во разговор за Стандард откриваат дека ќе се следат меѓународните искуства, препораки и упатства за враќањето на аеродромските операции по ситуацијата. Физичката дистанца меѓу патниците во терминалната зграда на аеродромот, ќе се постигне со мерки кои ќе осигураат дека луѓето стојат или седат на пропишаната дистанца.
Авиокомпаниите ќе мора да ги обештетат клиентите за откажаните летови поради пандемијата |
“ТАВ Македонија ги следи меѓународните искуства, препораки и упатства за враќањето на аеродромските операции, како и националните прописи во цивилното воздухопловство, и истите ќе ги имплементираме во делот на нашите надлежности. Согласно моменталните мерки на аеродромите кои сè уште се отворени и дискусиите на експертите – хигиенските мерки кои веќе ги применуваме ќе бидат интензивирани, а мерки на социјално дистанцирање ќе бидат имплементирани во текот на целиот процес на патување на еден патник“, велат од ТАВ.
Од компанијата објаснуваат дека физичката дистанца меѓу патниците во терминалната зграда на аеродромот, ќе се постигне со мерки кои ќе осигураат дека луѓето стојат или седат на пропишаната дистанца, од нивното влегување во аеродромот, преку сите аеродромски процедури, сè додека не се качат во авион.
“Сè уште е рано да се зборува конкретните детали на сите овие промени, бидејќи чекаме официјални инструкции од надлежните државни здравствени и воздухопловни институции. Како што знаете, од почетокот на кризата, Министерството за здравство правеше преглед на патниците во доаѓање со помош на термална камера и термометар. Дали и како – овој дел кој се однесува на здравствената состојба на патниците, ќе се промени, сè уште не знаеме. Штом добиеме информација од државата, ќе ги информираме патниците и јавноста. Што се однесува до нашите надлежности, како аеродромски оператор, во првата фаза од новите мерки ќе биде најважно да се практикуваат интензивирани хигиенски и санитетски мерки, со цел да се спречи влез и ширење на вирусот во терминалната зграда сè до авионот. Од почетокот на кризата, ние веднаш почнавме зачестено да дезинфицираме. Ќе продолжиме во таа насока и за тоа транспарентно ќе ја информираме јавноста, затоа што знаеме колку е чувствителна оваа тема за патниците и сакаме тие да се чувствуваат безбедни“, објаснуваат од ТАВ.
Од компанијата велат дека во тек се подготовките за реотворање на двата аеродроми, Меѓународниот Аеродром Скопје и Аеродромот Св. Апостол Павле Охрид.
ПРОЧИТАЈТЕ ГО И ОВА: Нови правила за летање поставени од авиокомпаниите |
“Како аеродромски оператор, ние се подготвуваме за реотворање на двата аеродроми, Меѓународниот Аеродром Скопје и Аеродромот Св. Апостол Павле Охрид, и покрај тоа што во овој момент сè уште не го знаеме точниот датум, бидејќи чекаме официјална информација од Владата. Како што знаете, вонредната состојба трае до 16-ти мај, но во овој момент не знаеме дали и границите и аеродромите ќе бидат отворени веднаш после овој период. Веднаш штом добиеме официјална информација, ќе ја информираме јавноста, патниците, споделувајќи ги сите важни информации со нив, во врска со идните патувања. Во однос на резервациите на авиобилети, не би можеле да кажеме, бидејќи продажбата на авиобилети не е наша дејност“, велат од ТАВ.
извор: biznisinfo.mk
Блог
Препораки
Read More

Visit Biljanini Izvori in Ohrid – Legendary Springs and Must-See Tourist Attraction
Discover the Magic of Biljanini Izvori in Ohrid – Read the Legend of Biljana, Enjoy the Crystal-Clear Springs and Lush Greenery, and Find Out Why This Is a Must-Visit Tourist Attraction.

Top 3 Must-Visit Waterfalls in Macedonia – Perfect Weekend Escapes
Three Must-See Waterfalls in Macedonia.

New Cottages at Marko’s Monastery Available for Stay and Enjoyment
Cottages at Marko’s Monastery. Accommodation and Stay.
Discover Vevchani Springs: A Perfect Nature Escape for Family and Friends
Looking for the perfect day-trip destination in nature with family or friends? Vevchani Springs offers crystal-clear waters, scenic walking trails through enchanting valleys, and the perfect mix of adventure and relaxation under the open sky.

Matka Canyon – The Ultimate Weekend Getaway for the Whole Family
Matka Canyon – The Heart of Adventure in Macedonia

How to Make Bread!
A Five-Minute Video on How to Make Bread!