28.04.2022

Успеавме да ја надминеме пандемијата и да им ги вратиме насмевките на нашите гости

Успеавме да ја надминеме пандемијата и да им ги вратиме насмевките на нашите гости

Кајак денеска го испи своето утринско кафе во прекрасното дворче на ресторанот „Грне“ кој воедно е нашата нова гастрономска дестинација која ја додаваме во базата, а каде може да резервирате со еден клик ОВДЕ.

Домаќинот Ристе не дочека со насмевка и амбициозен поздрав кој на некој начин ни даде чувство дека ресторанот веќе одамна ја има отворено својата сезона.


Грне има приказна која се испишува веќе 7 години, успева да ја изброди пандемијата и да докаже дека идејата за сервирање вкусна храна и цртање насмевки на лицата на гостите е поважна од секоја пандемија.

За оние кои досега не слушнале за ресторанот Грне, треба да потенцираме дека тој се наоѓа на магистралниот пат кој води од Охрид до Св.Наум во населеното место Долно Коњско и до него можете да стигнете со секое возило, автомобили, автобуси, комбе, а за активните туристи и со велосипеди.


Ресторанот е отворен пред 7 години, кога сопственикот Ристе, како професионален готвач одлучува да ја реализира својата животна желба, а тоа е да има свој простор каде ќе може да им ги служи на гостите специјалитетите кои успева да ги научи во текот на својот професионален ангажман.

Ристе вели дека желбата да има свој ресторан му е од мали нозе и додава дека секој кој нешто посакува може да го оствари доколку силно верува во тоа.


Ресторанот „Грне“ е изграден според желбите на Ристе, а тоа е да има голем простран двор кој ќе има природна сенка и кој ќе биде опколен со цвеќиња. Денеска Ристе е среќен кога гледа куп деца како уживаат играјќи во дворот.  

Ресторанот е изграден во етно стил и главниот фокус го става на вкусната храна која може да се најде за сечиј вкус. Почнувајќи од салати, скара, готвени јадења, домашно чадено месо и вкусната и препознатлива плескавица „Грне“.

Домаќините велат дека во фокус им е вкусната храна, бидејќи без неа ресторанот „Грне“ нема да го има вистинскиот дух.

Контакт за комуникација и резервации можете да најдете со еден клик ОВДЕ.

Остави Коментар

Коментари

  • Зоран Киров

    06.05.2022 18:55

    Кој бил знае, кој не бил да појде да види... Прекрасна храна, одлична услуга и уште подобри сопственици :)

  • Б.Коруноски

    29.04.2022 19:32

    Пред се луѓе на место а после се останато како храна и специјалитети така и удобност на највисоко ниво. Секоја чест и смо напред!

Прочитајте повеќе

Новата генерација домаќини – младите што ја оживуваат Македонија

Младите домаќини во Македонија не градат само куќи за гости – тие создаваат автентични искуства што ја оживуваат руралната земја и туризмот. Откриј како нивната страст и посветеност го менуваат лицето на туризмот во нашата земја.

Дали некогаш сте слушнале за Опеница? Уникатно гастрономско искуство во XO Distillery & Farm

XO Distillery & Farm во Опеница нуди уникатно гастрономско искуство со домашна ракија и локална храна, во автентичен амбиент исполнет со македонска традиција.

Предлог викенд дестинација: Дрвени куќички со топло огниште и приватност

Идеален викенд во природа! Истражете дрвени куќички со камин, топло огниште и приватност за релаксација, пешачење и автентично планинско искуство.

Културен туризам во Македонија: инспирација за денови со дожд и облаци

Откријте што да правите кога врне дожд во Македонија. Посетете музеи, спомен-куќи, работилници со занаетчии и кулинарски искуства кои ја чуваат традицијата.

Маврово Национален Парк – природното богатство на Македонија што ја освојува 2025 година

Откријте зошто Маврово Национален Парк е една од најпосетуваните дестинации во Македонија. Од Мавровското Езеро и врвот Кораб до скијање, планинарење и автентична култура – доживејте ја природата низ сите сезони.

Културните настани во Македонија – потенцијал и влијание врз туризмот

Откријте како културните настани во Македонија ја обликуваат туристичката понуда, нудат автентични доживувања и го зголемуваат потенцијалот на културниот туризам.